Posts

Featured Post

Windows leh Android-ah Mizo Ṭawng dik takin i chhu tawh ang u

Image
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a.

Latin hawrawp hmang chauh ni lo, Hindi (हिन्दी) hmang te, Burmese (မြန်မာအက္ခရာ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni.

Windows 10 chinah leh Android 6 chinah te tuna kan rawn sawi tum hi enchhin a ni.

Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni.


Android Phone atan: Android phone-a Ṭ kan hman theihna atan hian Mizo Android app developer ṭhenkhatin Keyboard app an siam a awm a: >> download link <<

Anni siam hi a …

Minimum balance ngaih lohna SBI Basic Savings Account

Image
Tunlai chu Bank lam chungchang chanchinthar chu State Bank of India (SBI)-in minimum balance a awm loha customer te pawisa an chawitir thin chungchang hian a luah khat hle mai a. Hetianga pawisa an chawitir tlingkhawm pawh vaibelchhe sang khat chuang teh meuh a tling a ni. Mipui lam atangin nawrna a nasat avangin average minimum monthly balance pawh tihhniam emaw, quarterly average balance anga kalpui emaw an tum nia sawi te pawh a awm a. Engpawhnise, minimum balance awm loh avanga customer-te pawisa chawi tur erawh an tibo mai dawn lo niin a lang.

SBI hian Bank Account hawn theih chi hrang hrang an nei a, a vaiin kan sawi lo ang a, tun tumah chuan Basic Savings Bank Deposit Account chungchang hi kan ziak dawn a ni.

He basic savings account hi mi tupawhin, KYC documents a neih kim chuan a hawn phal vek a ni a. Chutih laiin a tum ber chu mi rethei zawkte leh sum lakluh tlem zawkte tan, bank charge leh fee neuh neuh awm lo tura duan a ni.

He account hi mimal emaw, joint emaw-in a hawn …

Kaikuang chi hnih - shrimp leh prawn

Image
Kaikuang sawina atan hian shrimp leh prawn tih hi kan hmanpawlh nasa hle mai a. Tlema han thliar hrang ve deuhte pawhin "Prawn chu a lian zawk deuh a, shrimp chu a te zawk deuh hi a ni lo ami?" te kan ti chauh a ni a. He thil hi chu sapram lam thleng pawha American vs Bristish/Australia ang zawng pawha an lampawlh ve thil a nih avangin han indem bik vak tur a ni lo.
Han sawifiah chiam dawn chuan a thui mai mai a, a lema kan hmuh ang hian Prawn zawk hi chu a mawng a khal a, tisa a ngah zawk a, Shrimp zawk hi chu mawng a dêp deuh zawk a, tisa a tam ltk thei lo a ni.
Prawn leh Shrimp te hi species hrang - inthlahpawlh thei lo, mihring leh Chimpanzee/Gorilla te species hrang kan ni ang hian, species hrang daih an ni ve a. An scientific name pawh a dang daih a ni.
Chuti a nih chuan, heng laia kan Kaikuang hmuh ve te hi chu a lema kan hmuh ang hian Prawn zawk an nih hmel hle mai. Chemtatrawta cheptu pawh kha prawn ho zawk hi an nih hmel! Shrimp zawk hi i lo ei ve tawh reng reng em?

I Gmail inbox unread mail zawnchhuah dan

Image
I Gmail app i han hawng a, unread hlirin a lo khat tuar ve fo mai thei a ni. Mail kan dawn tur hi engemaw chen chu kan dan theih leh tihtawp theih chu awm ve bawk mah se, email thuthawn te eizawnna atana hmang ve lem lo tan chuan Inbox hi en reng peih te a har a, kan han en meuh chuan chhiar tur hlir a lo khat nuk zel. A buaithlak ber lai pawh read tawh leh unread a insaikalh nuk hian a ni a, chumi chinfel dan tur chu sawi kan tum dawn a ni.

A hmasain, Gmail Desktop view kan hman a ngai a, Desktop view pawh Basic HTML ni loa Standard kan hman a ngai a ni. Internet chak pangngaiah chuan amahin Standard view a load nghal a ni, a hnuaia a lem ang hian:

I mail la chhiar loh, Unread zawng zawng i en duh chuan Inbox zawnah khan i mouse cursor kha han dah la, hnuai lam kawkin fei hmawr a lo lang ang a, tah khan i hmet ang a, thlan tur panga a lo lang ang. Tuna kan duh Unread first tih kha i hmet ang a, i Inbox chhungah khan i mail la chhiar loh te chu i hawng par par tawh mai dawn a ni.



Unrea…

Instagram account deactivate / delete dan

Image
Mi tam takin social media lamah account kan hawng a, chhan hrang hrang avangin delete/deactivate kan duh leh fo mai a. Hetiang lama puih beiseiin mi tam takin Khampat Media hi min lo pan ve a, kan lawm hle a ni. Tunah chuan Instagram account delete dan chungchang kan sawi dawn a ni. I account kha delete kher loa temporary disable i duh zawk mai thei, hemi thuziak tawp lam hi i en dawn nia.


A hmasa berah chuan Delete Your Account page kha i hawng ang a. I account i delete duhna chhan kha i thlang ang. Login loin account a delete theih loh tih kha chu sawi nawn ngai lo turah ngai ta i la.I delete duhna chhan i thlan fel hnuah i password i enter nawn leh ang a, Permanently delete my account tih kha i click dawn nia.Permanently delete my account tih i hmeh hnu khi chuan i thlalak, video, like, followers leh i follow te kha a bo vek ang a, engti kawng mahin a hmuhlet theih tawh dawn loh a ni.
A chunga kan sawi ang khian, i account i delete chuan i thil tih tawh engkim kha a bo vek ang a, i …

Aadhaar link chungchang

Post hmasa lamah khan Income Tax department lam thuchhuah Aadhaar leh PAN link dan kha kan tarlang tawh a (ref: http://blog.khampat.com/2017/03/pan-card-leh-aadhaar-link-dan.html). Khami thu kan ziah lai khan chuan deadline kha September 30, 2017 tih a ni a. Mahse, India mipui tluklehdingawn chuang zet te'n he thuchhuah hi an hre kim hman lo nge ni, duh angin Aadhaar leh PAN link hi a chak tawk lo aniang, deadline hi sawn hlat niin, December 31, 2017-ah sawn a ni.Aadhaar leh PAN link hi a harsa tawh lo hle a. Internet hman thei tan chuan PAN number leh Aadhaar number chhut luh a, Aadhaar-a hming ziah dan ang chhut luh lehin a link mai theih tawh a ni. Hemi link-ah hian i lut dawn nia.Tin, PAN bakah hian Gas connection, Mobile number leh Savings Bank account te Aadhaar nen hian link vek tur a nih bawk kha. Aadhaar pakhatin gas connection pakhat zel leh mobile number paruk (6) a link theih a, bank account link theih zat erawh kan hre mai thei lo thung. Bank account hi chu hman dan a…

PAN Card leh Aadhaar link dan

Image
Kan Prime Minister, Narendra Modi hmalaknain Aadhaar hi a pawimawh chho telh telh dawn a, kan thil neih engkim mai hi Aadhaar nen thlunzawm (link) a la ngai vek dawn niin a lang a, tunah chuan Bank, Gas leh Ration card nena link kan buaipui zo thawkhat a, mobile number leh PAN card nena link leh tur, tih thuchhuah a rawn awm chho leh mek a. Tun atan chuan PAN card nena link dan kan sawi lawk ang.

Sawrkar thuchhuah danin, PAN card leh Aadhaar link hi thil harsa a ni lo a, chutih laiin online form fillup leh web portal-a signup leh signin chungchang te, OTP chungchang te hrethiam tak nih erawh a ngai a ni.

Step-by-step guide hetiang hian aw:
Income Tax e-filling portal -ah login a ngai phawt a. (e-filling portal-ah registration i tih hmasak a ngai a, email leh phone number tel lo chuan i account i activate thei lo a ni).I login chiah khan window a lo lang ang a, i PAN details hnuaiah Aadhaar number chhut luhna tur a lo awm ang. A lo awm lo emaw, i lo close palh a nih chuan menu-ah khan Pr…