Posts

Showing posts from December, 2009

Tunlai keimah

Image
Nun chau an tih ang hi tunlai chu ka tem ve ni berin ka hria. Thiante'n hla kan han zirna vela 'ka nun ram a chau' an tih ang hi ka ni ber mai. Natna leh taksa chak lohna te, kan tuar ve tur pawha kan beisei phak loh leh, rilru chhungril tak, kan sawichhuah ngai reng reng loh atanga 'mi dang tawrha tana kan pawi tih loh zawk' -te chu kan han tuar chho ve a ni a.

Tin, hei, kan blog hi kan update ngai ta lo hle mai a. He'ng te pawh hi ina kan awm tam tak vang leh vahchhuahna tur a van tak vang te pawh a ni thei ang chu!

Ziah tur a tam mai... mahse, mut hma a ngai tlat tunlai chu! Mutchhuakin min rawn zem chiai chiai mai. A hun laia mut nghal hmak loh chuan ka muhil thei thin lo a, kan mu mai teh ang. Mangtha.

Damdawi .IN website a lo piang ta

Mizo tawnga a hmasa ber leh awmchhun, damdawi chungchang liau liaua tana buatsaih website chu tunah hian tlawh theih a ni ta e.Content hi tunah chuan a la tlem deuh rih a. Zawi zawia dah tam tial tial tur a ni.He website hi Khampat .COM sub-portal niin, damdawi lama mi thiam, mi inpete'n an enkawl tura buatsaih a ni.