China-in iPhone hman khap

China chuan Apple iPhone chu sawrkar hnathawkte tan hman a khap ve leh ta.

Tunlai hian smartphone chungchangah khawvel sawrkar liante an indo mup mup mai a tih theih awm e. Kan smartphone, Windows leh anti-virus hmante hian a siamtute awmna ram server-ah data pawimawh eng engemaw a thawnlêt țhin a. Hei hi China sawrkar chuan a duh lo hle a ni.

Tin, China hian hetia ram dang thilsiamte dang chat ngam tur hian khawvela smartphone țha ber ber nia chhal ngamte a siamchhuak ve thei tlat bawk si a, ram dang thilsiam a mamawh lo tlat a ni.

Apple company-in smartphone an siam iPhone an tihte hetia hman a khap hma hian USA rama company pakhat Symantec Corp siam Antivirus leh Russia siam Kaspersky antivirus te chu sawrkar office-a hman a lo khap tawh a. A hma deuhin Windows 8 hman a lo phal lo tawh bawk.

He khapna hian mipui nawlpui chu a huam lo thung niin a lang. Tin, India sawrkar pawhin Sipai office-ah chuan USA-a Microsoft company siam Windows OS te chu thlakin Ubuntu OS an hmang tawh bawk.

Ubuntu hi Linux opensource openrating system (OS) chi khat a ni a, virus a awm ve thei lo a ni.

Hetia China-in thutlukna a siam tak rupna chhan hi țhenkhat chuan tunhnaia hralh kal em em mai Xiaomi smartphone-te khawthlang media-te'n an beih vakna chhanletna niin an ngai bawk.

Popular Post

PAN Card leh Aadhaar link dan

Khampat Bungpui zar pakhat tliak

I Gmail inbox unread mail zawnchhuah dan

Twitter-ah PM Modi-a'n White House lehthal

Hnar arngeng

Advertisement in Facebook