Instagram account deactivate / delete dan

Mi tam takin social media lamah account kan hawng a, chhan hrang hrang avangin delete/deactivate kan duh leh fo mai a. Hetiang lama puih beiseiin mi tam takin Khampat Media hi min lo pan ve a, kan lawm hle a ni. Tunah chuan Instagram account delete dan chungchang kan sawi dawn a ni. I account kha delete kher loa temporary disable i duh zawk mai thei, hemi thuziak tawp lam hi i en dawn nia.


  1. A hmasa berah chuan Delete Your Account page kha i hawng ang a. I account i delete duhna chhan kha i thlang ang. Login loin account a delete theih loh tih kha chu sawi nawn ngai lo turah ngai ta i la.
  2. I delete duhna chhan i thlan fel hnuah i password i enter nawn leh ang a, Permanently delete my account tih kha i click dawn nia.
Permanently delete my account tih i hmeh hnu khi chuan i thlalak, video, like, followers leh i follow te kha a bo vek ang a, engti kawng mahin a hmuhlet theih tawh dawn loh a ni.

A chunga kan sawi ang khian, i account i delete chuan i thil tih tawh engkim kha a bo vek ang a, i la let leh thei tawh dawn lo a ni. Chuvangin, hun engemaw ti chhung Instagram i chawlhsan duh zawk te pawh a ni thei a. Chu chu Temporary disable an ti a. I thlalak, video, like leh data engkim kha delete angin a lang a, mahse i duh leh hunah i login ang a, a hma angin a lo awm leh vek dawn a ni.

A dinglam chung kila hemi lem  awmna laiah hian i hmet ang a, Temporarily disable my account tih kha a hnuai lam deuhah khan a lo awm ang a. I disable duhna chhan i thlang ang a, Temporarily Disable Account tih kha i hmet mai dawn nia.

Popular Post

PAN Card leh Aadhaar link dan

Khampat Bungpui zar pakhat tliak

I Gmail inbox unread mail zawnchhuah dan

Hnar arngeng

Twitter-ah PM Modi-a'n White House lehthal