Featured Post

Android phone leh Windows PC hman kawp!

Written/Edited by Lalchhuansanga Pachuau on
Tunlai khawvelah chuan khawl tel lo chuan hna thawh a har tawh em em mai a. Hmarchhak kila Office sang berah leh office hniam berah te khawthluaknei tel lo chuan kan che thei tawh meuh lo a ni.  Information technology khawvelah kan cheng tawh a, engkim mai hi internet lamah te leh kan khawl hman hrang hrangah hian kan by-heart sen loh kan bilh hnem hle tawh a ni. Chutiang chu kan dinhmun a nih avang chuan "Eng device nge ka hman ang?" tiin zawhna kan dawng fo! Mi rual pawl pha turin eng nge PC-ah ka hman ang a, eng nge Smartphone-ah ka hman ang?


Desktop/Personal Computer-ah Windows:
Desktop-a kan information duhte han en hi a hahdamthlak a, mit a hah lo a, a zia viau a ni. Windows hi PC bikah chuan mi tam berin an hman a nih bawk avangin file copy vel pawhin mi dang PC-ah a hawn zung zung theih zel a, tih chi tak a ni. Expert deuh tana Ubuntu OS hman chungchang erawh chu kan topic pawn lam a ni rih ang a.

Smartphone-ah Android:
Android OS hmang phone, Android phone kan tih mai hi tunlaiah chuan hmangtu tam ber leh kan tleirawlte awm tleitu ber a ni. Kum upa lam tan hlei hleite hian a tangkai emaw tih mai tur a ni. Office-a hnathawk emaw, ram hnathawk emaw pawh ni la, information tam tak i hmuh theihna tur leh tunlaia miin phone an hman tam ber ang chi i hman ve duh a, 'tunlai' ve i duh chuan Android phone hi i hmang ngei tur a ni. (Kum 4/5 lo awm leh turah chuan a lo danglam pawh a ni thei tho a).

Android phone leh Windows PC hman kawp!
Android phone leh Windows PC hi hman kawp theih a ni. A chhan chu Windows PC-a application i hman zawng zawng (deuhthaw) hi Android phone-ah hian a hman ve theih deuh vek a ni. Microsoft hian Android phone hi mi zawng zawng deuhthawin an hmang tih an hriat chian avangin an product pawimawh ho chu Android OS chhunga hman theihin an dah vek a ni. Entirna'n: Outlook mail, MS Word, Excel, Powerpoint, OneDrive, OneNote, etc.

Internet chak chi i neih phei chuan PC-a i file pawimawhte OneDrive-ah i save vek ang a, Android phone-ah OneDrive app i install ve ang a, i kalchhuah a ngaih pawhin i file-te i en zui char char thei dawn a ni.

Office changkang tak (leh changkang vak lo)-a thawk i ni emaw, kut hnathawk i ni emaw, information tam tak i by-heart sen loh ennawn ngai reng rengin i hun i hmang ve ngei ang. Chutiang hunah chuan eng device nge i hman ang le?
Tags:

Comments

Post a Comment

Please comment and not to hurt others' feeling.

Buy Online! Home Delivery!!

Popular Post

Windows leh Android-ah Mizo Ṭawng dik takin i chhu tawh ang u

Written/Edited by Lalchhuansanga Pachuau on
Image
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a. Latin hawrawp hmang chauh ni lo, Hindi ( हिन्दी ) hmang te, Burmese ( မြန်မာအက္ခရာ ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni. Windows 10 chinah leh Android 6 chinah te tuna kan rawn sawi tum hi enchhin a ni. Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni. (* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei l
Kimchang zawkin »

MLA LAD Fund hman theihna leh hman theih lohnate

Written/Edited by Lalchhuansanga Pachuau on
MLA Local Area Development Fund hmanna leh hman zat te social media-ah a lang nual a, hetianga mipui sum hmanna puanzar hi thil ṭha tak a ni a, a hai chhuaktute leh a post tute pawh an fakawm. MLA Fund kan tih mai, MLA Local Area Development Fund Scheme (MLA LADS) hi duh lam hawi zawng apianga hman ngawt chi a ni lo a, a hmanna tur leh hman lohna tur chi bithliah fel tak a awm. MLA FUND HMANGA HNATHAWH THEIHTE: (Khawtlang hruaitute, ram hmangaihtu leh mi tinin hria i la ). Zirna lam kaihhnawih in sakna atan. (Construction of Educational buildings). Khawtlang tlan tur, tuikhur siam, tui verh (tui pump) siamna atan. Khaw panna emaw, khawchhung kawng siam/laihna emaw atan. Tar leh pianphunga danglam (rualbanlo) te a huhoa an chenna tur (Tar Enkawlna In ang chi) sakna atan. Khawtlang tui tlan hnar emaw, tuikhur humhalh leh tihchangtlunna emaw atan. A huho/zau inṭawm tur lo leh huan tuipekna tuikawng siamna'n. Public reading rooms/study rooms/village library sia
Kimchang zawkin »

Chawngpuii Nu Lunglen Tlang, Serchhip

Written/Edited by Lalchhuansanga Pachuau on
Image
CHAWNGPUII NGE A NU? - Lalmuana A hmasain Chawngpuii pian leh murna chu Parvatui a ni a, a pa chu Suakpuilala a ni a, a nu erawh chu a hming tak ka hret hei ta lo a ni. Chawngpuii hi nula hmelṭha tak an unau zingah pawh hmelṭha lawr lak a ni a, a hmelṭhat em avang hian Zoram pawh a deng chhuak hial a ni. A hmelṭhatzia chu Sangvunga fapa, Lalkanglova, Tuifim lal chuan a lo hriatin amah hmu tur leh neih tumin Parvatui lam pan chuan a kal ta a. An in a zuk thlen chuan Chawngpuii chuan Vawk chaw chhum pah hian la a lo hlum a. Lalkanglova a hmuh chuan, "lo leng rawh enge i tih dawn" a lo ti a. Lalkanglova chuan, "In khua hi a va hla ve" a ti a. Chawngpuii chuan nui sang chung hian, "Kan khua aṭang chuan a hla lo a sin" a ti a. Rei fe an inkawm hnu chuan Lalkanglova chuan neih tumin a nu leh pa te dil turin palai a tir ta a. Mahse, inneih chu an puitlin mai thei lo va. Lalkanglova chu khaw lampanin a haw leh ta a, a hnuah a zuk kal nawn leh a, palai tir nawn leh
Kimchang zawkin »