Posts
Kolkata Mizoram House
Remchang tak maiin Mizoram House, Kolkata-ah ka chawl a. A building chu a pawna tang chuan a nalh khawp mai a. Dormitory-ah ka thleng a. Room 10 a ni a. Khum 14 a awm a. Summer vanglai a ni a, fan mamawhna a zual hle. Celing fan hi 2 a awm a. Tin, floor fan 1 a awm bawk a, a vir kual thei lo leh nghal a. Celing fan hi khum 4 chiahin an chhawr bawk a. Khum chawng 5, khum 10 tihna a nih chu, fan themlem deuh inchuh chuan kan kuai her chhen ringawt mai a ni. Bathroom lah hi maksak khawp a. A kawngka hi chhunglam atangin a kalhna emaw a vawnban emaw engmah a awm lo a. A mam thla purh mai a. Hetiang ve tur renga an siam a an ai mahin thil kilh bei engemaw chu lo awm ve tawh, mahse a kilhna perek chawpa phawi tawh a ang zawk mah a. Shower ka han en a, tui-ek bal khawn karah a lo kaw deuh rul a, inbual hma hian kan fai zawk ang em aw, tih rum rum mai a awl. Ka han herh a, a lo khawh thla tuar tuar mai a. A thip thuai thuai mai a. A dangdai ve reng reng!
Kan in kawng thla
-728810.jpg)
Thawhleh tuk a ni a, hospital-ah hming ka han sign a, ka haw thla leh lam a ni a. Kan veng kawng an rawn siam ve tawh a. A man ve ta khawp mai. Mahse, hard topping a ni lo a, ruah a sur vak chuan a zawr vek ang. A ding lam tawp bera in rawng sendang lo lang det det khu kan inluah a ni a. Khumi in chhungah khuan kan hlim ve em em thin.
Homiopathi kills Old Dog!!!
Tunah hian ka ţhianpa nen Frenzo-ah kan chat mek a. Eng nge i zir mi ti a, Homiopathi ka ti a. Homiopathi chungchang an sawi a hriat ve chhun, like kills like (a dik takah chuan like cures like a ni a) a nih thu min hrilh a. Homiopathi hi a lo lan tirh aţangin sawiseltu leh ertu a ngah em em mai a. 1900 hma lam khan chu'ng 'old dog' ho chu an thi zo vek tawh emaw ka lo ti a. Hman deuh pawh khan an inhawt buk a, BBC nen lam 'Nature'-ah thlengin an rawn bei vak a. Mahse, an thil han tih dan vel chu an phuahchawp mai mai, Homiopathi kihtluk tumna hrim hrim rilru pu chunga an lo inruahman lawk vek a ni tih a hnu kum 5 hnu velah an hrechhuak leh a. An che khir khawp mai. Chu chu a nia, ka ţhianpa pawh hian he'ng ho elsenna ţawngkam hi a lo hria a ni ngei ngei ang ka ti a, 'like kills like' tih chu ka google ta a. A chunga mi khi ka hmu ta vang mai a nih khi! Hetiang mihring, Science hian hma a sawn tura ngai lo, kan ti dawn nge, theory pakhat dang bet tlat ho...
Anpai Lanu piancham
Huiham! Han ti kawk phawt mai i la. Rilru hrehawmnate chuan mi kiansan zai a rel si lo a. Piancham lawm azawngah chuan ka hlim lo ber awm e. Birthday card lei turin tlaiah ka chhuak ve a. Tun hmaa Hostel-a kan lo awm hona thin kawng phei velah chuan ngaihtuah a thui duh ngei mai. 'A hmun leh tlangte dang si lo' tih ang mai khan engkim mai chu a la pangngai vek mai si a. Kawng kam tawna in dingte chu a ngai ngaia lo la awmin, chu hmun khawhar leh reh em em mai chu an lo nghak a. Mahse, rilru lamah kim lo a awm tawh tlat! Hmana hemi kawnga kal ţhin kha chu ka ni tawh lo. Thil re re chu a hlimthla mai ni hian a hriat vek mai a. Lungrual taka rilru inpawh leh hlim em ema kan nuih dun lai te kha mitthla-ah mai an lo chang zo ta! Mitthlain kan nuih dun bawk bawk lai te, kan kalna ţhin kawng leh len velnaa kan awm dun lai te chu ka hmu uai uai a. Mahse, va pawh theih a ni tawh si lo. Hunin min lo dai dang tawh si a! Sawm ang chuan ka han kal ve a. Mahse, hlimna tak tak a awm tawh chua...
Darkar 9, minit 9 leh second 9
Uau! Mak ve tak chu a ni! Tu emaw ni te te hian min rawn bia a. Amah ka ngaihtuah neuh neuh pahin ka phone ka khawih kual vel a, ka log ka en a. Call ka hman tawh zawng zawng, incoming leh outgoing belhkhawm chu darkar 9, minit 9 leh second 9 chiah chiah a ni. Ka mobile chiangkuan loha leiah mobile 2 ka kawl a. Hemi number hi chu mi 1 chiahin chiang takin a hria a. (He ka thuziak hi i chhiar fuh a nih chuan nangmah chu i inhria ang chu!) Mi pakhat nena inbiakna'na kan hman char char a ni. A mak ve mai mai ema ka rawn post ve mai mai a nih hi!
Popular Post
Easter Lo Chhuah Dan
Easter Egg Cheimawi Mizo Kristiante'n kan hlut em em, Good Friday leh Easter Sunday kohhranin kan hman dan hi kan naupan ve lehzual laia kan hman dan leh tunlaia kan hman dan hi a dang ta khawp mai a. Easter artui chei leh sazupui lem ziak hmuh tur a tam ta hle mai. Artui leh sazupui leh Isua tawrhna leh thawhlehna hian inzawmna a nei reng em tih leh, he thil chin dan inzawmna hi han sawiho teh ang u. Easter hi Kristian-te'n Isua Krista thawhlehna (Lent hun tawpna chhinchhiahna) an lawmna leh hmanlai sakhaw dang betu (pagan) te ṭhal kût (spring festival, an Chapchat Kût ve ang) hman dan inpawlh aṭanga lo chhuak a ni. Kristian-te'n ni serh leh thianghlim angin hmang mah se, a hming leh hman dan phung hrang hrang, entirna'n artui leh sazupui (bunnies) te hi pagan serh leh sang — inthlahpun theihna (fertility) te, intuaitharna leh an pathiannu Eostre te chawimawina aṭanga lo irh chhuak a ni. [1, 2, 3, 4, 5] Kristian Lam Aṭanga A Lo Chhuah Dan Thawhlehna : Thuthlung Thara...
A Tawp a Tawpah: Gmail Address Thlâk Theih A Ni Ta (Data Hloh Miah Loin)
Kum sawmhnih chuang kal ta chhung khan, Google thutlûkna chu a khauh hle ṭhin: i Gmail address hi thlak theih a ni lo. Kum 2010 vela naupang chhia taka i hming lo siam 'sk8er_boi_99@gmail.com' ang kha i hmang reng ngei tur a ni—a nih loh pawhin, account thar siama i file, thlalak, leh email tam tham takte mahni ngeia "migrate" kual kha i hna a ni mai. Tunah chuan chu hun chu a liam ta! Kum 2025 tawp lam leh 2026 tir aṭang hian, Google chuan mipuite ngenna dah pawimawhin, primary @gmail.com username thlak theihna "feature" a rawn chhuah ta a. I account, i data, leh i chanchin (history) zawng zawngte him dam vekin i thlâk thei tawh dawn a ni. I address thlâk dan tur te, a hriat tur pawimawh leh limit awmte a hnuaiah hian ka'n tarlang ang e. "Magic" Button: Engtin nge i address i thlâk ang? He feature hi ram hrang hrangah tlem tlema rawn tihchhuah (roll out) mek a ni a. India emaw, US emaw ah i awm a nih chuan i hmang thei tawh mai thei. Google Ac...
Unraveling the Roots: The Origin of the Word "Mizo" or "Zo"
The name " Mizo " resonates deeply with the identity, culture, and pride of a vibrant people inhabiting the hills of Northeast India, primarily Mizoram, and parts of neighboring Myanmar and Bangladesh. But where does this name come from? The journey to uncover the origin of " Mizo " and its root, " Zo ," leads us down a fascinating path of language, geography, history, and evolving self-awareness. The Core: "Zo" At the very heart lies the word " Zo " (pronounced closer to " Yaw " or " Dzo " in some dialects). This syllable is ancient and carries profound significance for the Mizo people and related ethnic groups within the larger Tibeto-Burman linguistic family ( specifically the Kuki-Chin-Zo group ). There are several prevailing theories about its original meaning and origin: 1. Geographical Origin - "Highlander" or "Hill People": The most widely accepted theory among Mizos themselves links ...
Understanding Land Ownership Provisions in the Mizoram (Land Revenue) Rules, 2013
The Mizoram (Land Revenue) Rules, 2013, lay down a structured framework for defining and regulating the ownership and rights over land resources within the state. While the ultimate ownership of land vests with the government, the rules detail various mechanisms through which individuals, families, and institutions can acquire, hold, and transfer significant rights over land, effectively acting as provisions for recognized land ownership and tenure. The rules establish different forms of land holding, each conferring distinct sets of rights and obligations. Key among these are the Periodic Patta, the Residential Land Settlement Certificate (RLSC), and land held under Lease. The Periodic Patta is primarily associated with agricultural land, though it is also a foundational step for eventual residential settlement in certain areas. Holding a Periodic Patta grants heritable and transferable rights to the landholder, subject to specific terms and conditions. These conditions often relate t...
Google Photos upload tawh sa compress dan (2026 update tihbelh a ni)
Google leh a product ngaisang leh hmang nasa em em mai ka ni a. Ka Android phone contact zawng zawngte leh thlalak (Photos & Videos) zawng zawng pawh Google Contacts leh Photos app hmangin Google server-ah ka dah vek mai ṭhin a. Phone tihchhiat palh leh thlak chang pawhin contact bo leh thalak bo hi ka nei ngai lo. Chuti taka ka hman ṭangkai viau lai chuan thawkkhat lai aṭang khan ka Google Drive chu a full titih ta reng mai a. Thlalak leh video ka upload ho chu han paih ṭhen mai tur ka hre ta lo a, hun ka neih loh deuh avangin thla hnih chhung phei chu Google Drive space ka lei belh lailawk a. Chumi chhung chuan engtin tin emaw ka inthian fai a, 15GB limit thleng lo tawk chuan ka dah thei a. Thlalak pawimawh vak lo leh kan hmeh nawn ho te ka paih a, ka lan ve lohna te phei chu ṭhiante ka thawn chhawng nasa hle a ni. Mahse, thla hnih thum a lo vei a, a hma ang bawk chuan ka Google Drive chu a lo khat chho leh dawn ta mai. Theihtawp chhuaha file pawimawh lo ho ka paih ṭhen h...