Posts

Showing posts from 2020

Featured Post

Chawngpuii Nu Lunglen Tlang, Serchhip

Image
CHAWNGPUII NGE A NU? - Lalmuana A hmasain Chawngpuii pian leh murna chu Parvatui a ni a, a pa chu Suakpuilala a ni a, a nu erawh chu a hming tak ka hret hei ta lo a ni. Chawngpuii hi nula hmelṭha tak an unau zingah pawh hmelṭha lawr lak a ni a, a hmelṭhat em avang hian Zoram pawh a deng chhuak hial a ni. A hmelṭhatzia chu Sangvunga fapa, Lalkanglova, Tuifim lal chuan a lo hriatin amah hmu tur leh neih tumin Parvatui lam pan chuan a kal ta a. An in a zuk thlen chuan Chawngpuii chuan Vawk chaw chhum pah hian la a lo hlum a. Lalkanglova a hmuh chuan, "lo leng rawh enge i tih dawn" a lo ti a. Lalkanglova chuan, "In khua hi a va hla ve" a ti a. Chawngpuii chuan nui sang chung hian, "Kan khua aṭang chuan a hla lo a sin" a ti a. Rei fe an inkawm hnu chuan Lalkanglova chuan neih tumin a nu leh pa te dil turin palai a tir ta a. Mahse, inneih chu an puitlin mai thei lo va. Lalkanglova chu khaw lampanin a haw leh ta a, a hnuah a zuk kal nawn leh a, palai tir nawn leh

Mizo Doctor hmasa - Hmunṭha khaw lal daktawr

Image
MIZO DOCTOR HMASA PAHNIH Dr. Laltawnga Sailo leh Dr. Lalṭhuama Laltâwnga Sailo, Hmunpui lal fapa leh Lalhuta Sailo, Kulikawn te hi Mizo zinga Doctor hna zir hmasa ber te niin, Pawl 8 pass-in an zir theih Licenciate Medical Practitioner chu kum 1911-ah an zir chhuak a. Lalhuta Sailo hi doctor hna thawk hman loin TB vangin a thi a. Laltâwnga Sailo hian Sawrkar hna thawk loin Hmunṭha khaw lal a ni ta thung a ni. Hmunṭha khaw lal daktawr hi a khua leh tuite'n an thlamuanpui em em ṭhin a, a boral hnuah pawh tun thleng hian a khua leh tuite chuan an la zahin an la ngaisang êm êm a, a thla lung nalh taka an siam bâkah Hmunṭha khuaa Hall lian ber chu Dr. Laltawnga Hall tiin an phuah hial a ni. Dr. Lalṭhuama hi Zawngṭah khua, kum 1892-a piang a ni a. Shillongah pawl 8 a zo a, BW Medical School, Dibrugarh aṭangin Licenciate Medical Practitioner (LMP) kum 1916-ah a zo ve thung a. Mizo zinga doctor hna thawk hmasa ber a ni ta a ni. Kum 1925 khan Tangkapui, Victory Medal, British W

Snapchat account delete dan

Image
Snapchat hi social networking app lar tak zinga pakhat leh Mizote pawhina kan hman ve nual a ni a. A feature tlangpui chu tleirawl leh rawlthar rual ho mil a ni a. Camera effect an neih ṭhat ṭhin avangin lawm a hlawh hle a ni. Snapchat hi inbiak pawha han pawt ral mai maina atan a ṭha ve khawp mai a. Kan message inthawn tawn ho hi en let leh theih a ni mang lo a, duhthlanna chi hnih chiah a awm a - kan message an hmuh veleha bo nghal leh darkar 24 hnua bo chauh turin - thil pawimawh leh file pawimawh inthawn tawnna chu a ni lo tih hriat tur! Chuan, inbiakna lai leh ṭhiante profile kha screenshot a chi miah loh! Engemaw avangin i Snapchat account i lo delete daih duh thei ta a. Mobile app aṭang chuan delete theih a ni lo a, Desktop browser i hman a ngai a, a hnuaia link kan dahah hian i lut ang a, i sign in ang a, chuan a tawpna atan i sign in nawn leh ang a, i account chu lak let leh theih lohin a bo daih tawh dawn a ni. Snapchat account delete-na link:  https://accounts.sn

Herbal damdawi te hi ei char char a pawi em?

Image
Hmanni chu mi pakhat hian damdawi ka chawh pakhat chu a ngeihzia thu leh a lo ei char char thu a sawi a, (a nihna takah chuan bur thum chauh ei turin ka ti reng si a 😀), herbal te chu side effect a awm chuang si lo a, ka ei char char mai  a ti a. Bur thum chiah ei tura ka tih thu ka sawi nawn leh chuan kan thupui hmang khian zawhna a siam ta a ni. A zawhna khi tawi tea chhan dan leh thui deuha chhan dan a awm si a, kalkawnga inhmu zuai kan nih avang chuan hmanhmawh takin, thil reng reng hi chu a chuang liam a awm zel a nia, tui pawh hi in ṭeuh i la, a thihpui ve theih a nia  ka ti a. Han chawl lailâwk a, damdawi tel loa a awm theih leh theih loh inenchhin phawt tura inchahin kan inkalsan ta a. Damdawi a nih tawh hi chuan herbal (natural) a ni emaw, laboratory-a siam chawp (synthetic) a ni emaw, chemical a pai tel zel tih hi kan hriat chian a lo ngaiin inzirtir kan lo ngai hle mai tih ka ngaihtuah phah ta a. A bîkin thlai leh hnim te hian chemical chi hrang hrang a pai nasa

3-3-3 Radio Emergency Survival Plan

Image
Tun hnai mai aṭang khan handheld transceiver radio ( walkie talkie kan tih mai) hi kan hmang nual tawh a. Tun hnaia kan hmanna tam ber chu COVID-19 duty te hman hi a niawm e. Inkhawmpui nikhuain kan hmang nasa a, kumin kum tir lama KṬP General Conference kha ṭum khata Walkie Talkie hman tamna ber record a la ni hial awm mang e. Walkie Talkie 50-70 vel bawr a ruala hman ang vel niin a chhut theih ang. Aizawl Traffic Police ho hian an hmang nasa em em bawk a, mahse anni chu Sawrkar lam a nia, PHE te nen sawi kai lo mai i la. Ṭum khata hman chauh ni lo, ni tina kan hnathawhnaa hmang pawh kan ṭhahnem chho zel a. A tam berina kan hman channel 16 awm chi (Baofeng, etc.) te, channel 128 awm chi te hi a man a to loh avangin neih pawh a awlsam hle. He'ng kan radio hum fir fer te hi chhiatrupna a lo thlen chang atan pawh ṭangkai takin a hman theih a. Khuarel chhiatna nasa tak a lo thlen changa inbiakpawhna kan hman tlanglawn - phone call/sms leh internet service a chhiat hunah pawh he'n

MRB Mini Statement en theih loh [SOLVED]

Image
Mizoram Rural Bank mobile app hmang ṭhinte chuan Mini Statement en dawnin harsatna in tawk hlawm ngeiin a rinawm. Hetiang i tawh palha i pawisa chet vel dan i en duh chuan, i app i hawng ang a, Transaction History-ah khan i kal ang: Banking > Transaction History Hetia Mini Statement en theih loh hi error message-a a landanah chuan thla 6 (ruk) kalta chhunga account khawih chet loh vang niin a rawn tarlang a, mahse, a ni kher ngai lo. Tuna screenshot pawh hi transaction tih zawh chiah a ni a, kar tin deuhthawa account a chet pawhin heti hian a inti fo mai a ni.

Facebook redesign thar leh dark theme hman dan

Image
Facebook Redesign Dark Theme Facebook chuan a hun mila an tih ṭhin angin an Desktop/PC landan an disign ṭha leh tawh a. Mi tam takin a hman chhin theih tawh a ni. La hmang ve thei lo pawh an awm, lo nghah rih deuh in ngai ang. New redesign leh dark mode hman dan: I PC hmangin i account-ah han login phawt la. (Mobile hman chuan Desktop View hman a ngai a). A chunglam bar pheiah khan a dinglam kil tawpah khan fei chhuk thla lem a awm a. I hawng ang. I hman an phal tawh chuan "Switch to new Facebook" tih a lo awm ang. I hmeh zawh hian Dark Theme duh tan thlan tur a la awm bawk. Redesign thar hmang leh duh lo tan pawh a ngaiah khan kal lehin, "Switch to classic Facebook" tih kha hmeh leh mai tur a ni.

COVID-19 chhehvela ka chet ṭhatna ve te

Kar hmasa lama ka vahvelnaa ka thil tawnte hi COVID-19 nen hian engemaw chen chu a inzawmin ka hria a, ka'n thailang leh mai mai. Dawrkai leh office hnathawkte pawh an rilru a chiai ve deuh a ni mai thei a ni. Bank ka dawr a, ₹27,000 lakchhuah ka tum a, Teller chuan ₹2,000 note hlirin min rawn pe a. ₹2,000 note hlir chu a ni thei lo; min pe tlem a nih loh chuan a tam a niang, a dik lo, ka ti rilru sa a. Ka'n en a, ₹50,000 a lo ni a. An Bank hi an hmunpui lamah an buai avangin₹50,000 bak an pechhuah theih rih loh lai a ni a. An bank chhung ka lut chiah kha an hotu lam pakhat hian, "Awi, Coronavirus chungchang pawh hi ka chhiar chiang hman lo," tiin an Bank lam an buai thu sawiin, Customer ṭhenkhat thil awm dan rawn zawt chiangte chu a lo hrilhfiah bawk a. Teller tak hi chuan mobile games a khelin ka hria! "Han chhiar leh teh, min pe tam a nia" tiin ka'n dah let leh a, a'n chhiar ṭha chu a lawm hle mai. Kei pawh ka lawm! A tukah Upper Bazar pheia d

Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea

Eng hnam pawh hian, an ram leh hnam humhim tur hian tha leh zung an chhuah ṭhin a. An nunna hial thapin ram leh hnam tan an in pe ṭhin. Chutiang mite chu Hnam Pasalṭha tiin kan sawi ṭhin. Ka pu Chemchawma pawh hi chutianga mi inpe; a khua leh tui tana tha leh zung lo seng a, Mizoram chhanna'na nunna hial thapa British dote zinga tel a ni. Pasalṭha Chemchawma nen kan inkungkaih dan Pasalṭha Chemchawma hi a hming dik tak chu, Chhungchungnunga a ni a. A naupang lai hian naupang chum beng buang leh duhawm tak; mitmeng zim deuh leh bui deuh chuk a nih avangin, ṭhenawm khawvengte'n koh duatna'n Chemchawma an ti ṭhin a. Chu chu a len hnu thleng pawhin kohna'n an hmang ta zel a, a hming pangngai aiin a lo a lar ta zawk a. Koh hlenna'n an hman phah ta a ni. Ka pu Chawma hian, Unau pianpui pakhat Airuma a nei a. An unau hian, Pasalṭha an ni ve ve a, mi pangngai aia thahleipu; mi chak leh thahrui ngah niin an sawi ṭhin a ni awm e. Ka pu Airuma hi chu Sailamah Lal Bengk

Coronavirus khawvêl

Image
Vawiin hi ni engemaw zât Coronavirus thawmin Mizoram min chiahna a ni tawh a. Zir In leh Biak In te an khar thu kan hre zut zut a, puipunna leh dawrpui hmun te pawh pehhêl turin Sawrkarin a theih ang angin mipuite hnenah thuchhuah a siam a. Ei leh in tur khâwl khâwmin tam tak kan hmanhlel a, hmui tuamna kawr thlengin kan lei sup sup a. Heti taka kan buaipui nia a lan laiin ngaihsak awm reng reng hmel pawh pu loa fimkhurna thu an tlangaupuite ngaihsak miah loa la awm vêl mai mai pawh kan la tam hle mai. Tihphung pangngaiin vawiin pawh rei lo thei ang ber khawlaiah ka han chhuak leh lawk a, ka tihtur ka tih zawh rualin ka haw leh nghâl a ni. Infiamna'n taka hmanga hmaichhana inhahchhiau khum lui lai ka hmu a, office kawngkhar bula hand sanitiser  an lo pêk duh loa a rem rem vuana rawn lût nawk nawk ka hmu bawk a! Tunkar chhoa ka rilrua awm ta mai mai chu - mipui nawlpui hian hriselna bulthum kan lo hre lo hle ngê ni a, kan ngaihthah hle ni ang le, tih hi a ni. Chukchu ben ṭhelh ang m

Hlum sawhna

Image
Kan naupan lai chuan ... han ti ve khanglang i la , hlum hi kan sâwk ve fo a. Tlak lei dur ṭha tak mai laiah hi chuan kan ker thluah mai zel ṭhin. Hetiang han hmuh hian a lunglènthlâk duh hle mai. Ka pa kha Assam Regiment-ah a ṭang ṭhin a. Kum tam tak a kal tawh loh hnuin ṭum khat chu Shillong-ah a kal leh ṭumin, an barrack vêl hluma an plaster-na tur an sawhna hmun a hmu leh chu ama sawi danin, a mit sulh mai a ni awm e.

Telegram-ah Message Clear-na i zawng ve em?

Image
Tunlai chu Telegram hmang thar kan tam a, rawn hmang tharte zawhna rawn neih tam ber chu “ Khaw’nge Message Clear-na? ” tih a ni. Hetianga zawhna rawn zâwttu tam ber hi WhatsApp lo hmelhriat hmasatute an ni tlangpui bawk niin a lang. Hriat tur pawimawhte point mal te tein lo tarlang i la, (a chiang lo lai point thurchhuah a awlsamna atan) : Telegram leh WhatsApp inanna chu message inthawn tawnna app an ni ve ve. I man em? I man chuan a dawt leh point hi chhiar leh la… Telegram leh WhatsApp inan lohna chu pakhat hi cloud-based a ni a, pakhat zâwk P2P-based a ni a. Chu chuan a inanna aiin a inan lohna a rawn titam ta êm êm a ni. I man em? I man loh chuan a dawt leh point hi chhiar leh la… Telegram chuan WhatsApp angin space a luah hek ve vak lo a, message clear loh vanga phone muang a awm ve thei lo. Mak i ti em? Mak i tih chuan a dawt leh point hi chhiar leh la… Telegram text message leh media (thlalâk, video, file) i thawn reng reng hi internet server-ah a in dahṭha hmasa phaw

Buy Online! Home Delivery!!

Popular Post

Mizo Doctor hmasa - Hmunṭha khaw lal daktawr

MLA LAD Fund hman theihna leh hman theih lohnate

Windows leh Android-ah Mizo Ṭawng dik takin i chhu tawh ang u

Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea

Mizoram Sana - The Mizo Meridian