Posts
Tlungvel Quarry tia an sawi fo chu
.jpg)
Naupang te kan nih lai ata tawh Aizawl kan zina thlen kan chak ber, tlan tlang erawh kan hreh ber si chu Tlungvel Quarry hi a ni a. A thla han lak mai hi rin aiin a harsa a, tunah pawh Sumo chhung aţangin kan han la hram a. A hlauhawm ber ber lai, kawngpui thlang kham ko bir vut mai zawng zawngte hi han hmu ve u la ka duh viau nain ka la thei ngang si lo a. Remchangah lo lak ka tum dawn nia. Chuan, a quarry hming neitu khua -- Tlungvel.
2009 hmuah zana in leh in lo no
Kan ţhianho zinga patling ni tawhte kan tih chhan bik pawh ni loin, a in leh in lo hemi zan hian kan awm a. Hming hmerha insawi dawn chuan Khampat Editor-te zingah hmingchhia an awm ang tih a hlauhawm ve bawk si a. Thil chi hrang hrang kan in a nih hi -- thingpui, grape wine, grape wine aia sen zawk te -- nuam kan ti khawp mai. In chu kan in vek a, mahse, heta in kan tih hi chu a kawh dang deuh turah ngai ang :)
Popular Post
MLA LAD Fund hman theihna leh hman theih lohnate
MLA Local Area Development Fund hmanna leh hman zat te social media-ah a lang nual a, hetianga mipui sum hmanna puanzar hi thil ṭha tak a ni a, a hai chhuaktute leh a post tute pawh an fakawm. MLA Fund kan tih mai, MLA Local Area Development Fund Scheme (MLA LADS) hi duh lam hawi zawng apianga hman ngawt chi a ni lo a, a hmanna tur leh hman lohna tur chi bithliah fel tak a awm. MLA FUND HMANGA HNATHAWH THEIHTE: (Khawtlang hruaitute, ram hmangaihtu leh mi tinin hria i la ). Zirna lam kaihhnawih in sakna atan. (Construction of Educational buildings). Khawtlang tlan tur, tuikhur siam, tui verh (tui pump) siamna atan. Khaw panna emaw, khawchhung kawng siam/laihna emaw atan. Tar leh pianphunga danglam (rualbanlo) te a huhoa an chenna tur (Tar Enkawlna In ang chi) sakna atan. Khawtlang tui tlan hnar emaw, tuikhur humhalh leh tihchangtlunna emaw atan. A huho/zau inṭawm tur lo leh huan tuipekna tuikawng siamna'n. Public reading rooms/study rooms/village library sia...
Mizoram Sana - The Mizo Meridian
Kamkeuna: Han ngaihtuah mai chuan sana dar zat hi khawia mi kan lak nge, mil a ngaihin khawiah nge kan mil ang tih hi ngaihtuah puat theih a ni a, ngaihtuah chet chet theih a ni bawk awm e. Thil tihhonaa 'i va tlai ve' emaw, 'i va hma ve' emaw min lo tih chuan kan sana kan han en a, Biak In dar mil thlap emaw, Radio mil thlap emaw, DDK/LPS/ZONET mil thlap emawa kan dah te a ni fur a. Tunlaiah chuan mobile phone hmangin service provider-te dah dik sa kan hmang nasa viau mai. Service provider te pawh a chang chuan a second mai ni lo, a minute hiala inhma hleih te pawh a awm ve nawk ṭhin. Thawkkhat lai khan India Hmarchhak bik tana sana hran neih te kha a thawm a ring viau a. Tin, school ṭan hun thleng hian sawi kai theih a ni a, kan thiam ang tawkin kan han sawi ang e. Sana Herh Mil Dan: Eng pawh lo ni se la, chumi kan sana va milna te chuan khawia dar zat nge an lo mil ve le? India ram puma sana kan hman chu Indian Standard Time (IST) kan tih mai hi a ni a. Chumi...
Windows leh Android-ah Mizo Ṭawng dik takin i chhu tawh ang u
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a. Latin hawrawp hmang chauh ni lo, Hindi ( हिन्दी ) hmang te, Burmese ( မြန်မာအက္ခရာ ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni. Windows 10 chinah leh Android 6 chinah te tuna kan rawn sawi tum hi enchhin a ni. Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni. (* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei l...
Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea
Eng hnam pawh hian, an ram leh hnam humhim tur hian tha leh zung an chhuah ṭhin a. An nunna hial thapin ram leh hnam tan an in pe ṭhin. Chutiang mite chu Hnam Pasalṭha tiin kan sawi ṭhin. Ka pu Chemchawma pawh hi chutianga mi inpe; a khua leh tui tana tha leh zung lo seng a, Mizoram chhanna'na nunna hial thapa British dote zinga tel a ni. Pasalṭha Chemchawma nen kan inkungkaih dan Pasalṭha Chemchawma hi a hming dik tak chu, Chhungchungnunga a ni a. A naupang lai hian naupang chum beng buang leh duhawm tak; mitmeng zim deuh leh bui deuh chuk a nih avangin, ṭhenawm khawvengte'n koh duatna'n Chemchawma an ti ṭhin a. Chu chu a len hnu thleng pawhin kohna'n an hmang ta zel a, a hming pangngai aiin a lo a lar ta zawk a. Koh hlenna'n an hman phah ta a ni. Ka pu Chawma hian, Unau pianpui pakhat Airuma a nei a. An unau hian, Pasalṭha an ni ve ve a, mi pangngai aia thahleipu; mi chak leh thahrui ngah niin an sawi ṭhin a ni awm e. Ka pu Airuma hi chu Sailamah Lal Bengk...
Vairam leilet
Niminah kan exam zo a, vawiin chu Kolkata lamah ka kal a. Kolkata Mizo Service te'n Guitar, Asansol Mizo Service tan min pe a. Chumi lam tur chuan kan zu kal a. Train atangin leilet thla, buh seng zawh tawhna ka la a nih hi!