Chakmate hi British officer leh Kuki khaw lalte'n Chittagong Hill Tracts chhim lama an khawsaktir an ni - Pu Ruata, ZoRO

Takam emaw, Chakma emaw kan tih te hi hnam depde tak an ni a. British-te khan criminal tribe tiin an ziak hial em kha?

Khatia hmanlaia Burma leh British te an indo lai khan British officer-te'n Burma sawrkar ralrel dan leh inbuatsaihna te hre turin Chakma te kha an hmang ngar ngar a ni. Chakma-te'n British officer-te hnena Burma inbuatsaihna an hrilhhriat anga indona an han kalpui khan awmzia a neiin Burma dinhmun chu a chhe zawk a ni fo ta reng bawk a.

Hun a kal zel a indona a tawp rual khan Chakma ho pawh Burma a haw leh tur an ni a. Mahse Burma sawrkarin Chakma ho Burma-a haw leh kha rem an ti ta lo a. A chhan chu an indo laia Burma thuruk British officer-te hnena hrilh ṭhintu an nihna kha an theihnghilh bik lo a ni.

Hun kal zelah British officer-te'n Chittagong Hill Tracts-a Kuki khaw Lalte hnenah Chakma ho khawsaktir ve tura an ngenna leh nawrna chu a hlawhtling ta a. Tichuan, Chakma ho chu Chittagong Hill Tracts Chhim lamah Kuki khaw Lalte leh British officer-te'n an khawsaktir ta mai zawk a lo ni.

SOURCE: History Of Chittagong Hill Tracts by Pu Laldova, Former Councellor and Convenor, Local Govt Council, Rangamati, Chittagong Hill Tracts, Bangladesh. Publish by: Kristian Fellowship Bangladesh, Literature and Teaching Ministries (LATM).

Tichuan, hun a kal zel a, Chittagong Hill Tracts-a Bangladesh sawrkarin Tuipuiah Hydroelectric Dam (Bangladesh tuikhuah kan tih mai kha) a lo siam chu 1964-ah a commission ta a. Hun rei loteah Chakma ho khawsakna bial chu Bangladesh tuikhuah tuitling chuan zawi zawiin a chim ta zel mai si a. Khawsak ngaihna awm lo khawpin tui chuan a chim buai ta vek mai a. Chuta ṭang chuan Chakma ho chu Chittagong Hill Tracts hmun hrang leh zau zawkah te an pemdarh ta a ni.

Hun a kal zel a, Chakma ho chu Tripura-ah te, Mizoramah te leh Arunachal Pradesh-ah te an mipui chu an pemdarh ta zel a, an Buddhist sakhaw puithiamte erawh West Bengal leh Bihar-ah te an lut ta bawk a.

Mizo Indepedence 1966-ah MNF-te'n an puan tak hnu rei lo teah Chakma ho Burma leh British an indo laia British officer-te'n an hman ang chiah khan Chakma ho hi India/Bangladesh sawrkarin Mizo Independence Worker-te (MNF, MNA, MNV, Civil officers) te bei turin rawlrala tal tur Shanti Bhahini an dinsak ta a, indo hmanrua engkim bakah ration nen lam an tum sak ta vek a nih kha! Mizo Independence beitute pawh he Shanti Bhahini te kutlumah hian an thi nual bawk a nih kha.

Hun a kalzel a, June 30, 1986-a Mizo Accord ziah a nih tak avang khan Shati Bhahini pawh hi tihtawp a ni zui nghal bawk a ni.

He thu hi Pu Ruata, ZoRO member hlun tak ziah, a ziak ang anga Mizo tam zawkin Chakma history kan hriatzauna a nih theih beiseiin kan han post a ni. - LP