Posts
Top level domain chi thar
Khampat Hosting chuan tunah hian top-level domain chi thar tam tak mai i hman turin a rawn chhawpchhuak leh ta e. Top-level domain kan tihte chu tun hma chuan .com, .net, .org te a ni a, a hnuah ram hrang hrangin anmahni top-level domain an rawn nei ve a, e.g. .us, .uk, .in, .fr, etc. Chumi hnu deuhah .co.in, .co.cn, etc. a lo chhuak ve leh a ni. Top-level domain (TLD) kan neih sa te hian kawng hrang hrangah kan sumdawnna leh thiltih te a lang chiang tawk lo a. e.g. Insatu company pakhat chuan domain hming neih an duh a, www.fastbuilders.com emaw www.fastbuilders.in emaw tih a lo ngai ta thin a. .com emaw, .in emaw TLD hman ngai tawh loin, www.fast.builders tiin domain hming an siam thei tawh dawn a ni. I sumdawnna mil leh i thiltih mil TLD han thlang ve teh le: http://shop.khampathosting.com
China-in iPhone hman khap
China chuan Apple iPhone chu sawrkar hnathawkte tan hman a khap ve leh ta. Tunlai hian smartphone chungchangah khawvel sawrkar liante an indo mup mup mai a tih theih awm e. Kan smartphone, Windows leh anti-virus hmante hian a siamtute awmna ram server-ah data pawimawh eng engemaw a thawnlêt țhin a. Hei hi China sawrkar chuan a duh lo hle a ni. Tin, China hian hetia ram dang thilsiamte dang chat ngam tur hian khawvela smartphone țha ber ber nia chhal ngamte a siamchhuak ve thei tlat bawk si a, ram dang thilsiam a mamawh lo tlat a ni. Apple company-in smartphone an siam iPhone an tihte hetia hman a khap hma hian USA rama company pakhat Symantec Corp siam Antivirus leh Russia siam Kaspersky antivirus te chu sawrkar office-a hman a lo khap tawh a. A hma deuhin Windows 8 hman a lo phal lo tawh bawk. He khapna hian mipui nawlpui chu a huam lo thung niin a lang. Tin, India sawrkar pawhin Sipai office-ah chuan USA-a Microsoft company siam Windows OS te chu thlakin Ubuntu OS a...
Lumeh chungchang
Lumeh hi an met lai han en hi chuan awlsam awm taka lang a ni a, han thiam ve loh chi pawh niin a lang lo. Mahse, han tih ve meuh chuan a lo har khawp nia. Hmanah ka nau lu hi ka mehsak tawh alawm, tlai thim lamah hian a ni tawh ve hrim hrim bawk a. A tukah a nu a rawn thinrim phei khawp mai! Ka hlau khawp mai a, min hau na lutuk lem lo nain, tih fo chi a ni lo tih ka hrechiang khawp mai. Khata țang kha chuan mi lu hi ka la met leh ta miah lo a niawm e. Engpawhnise, mihring hian thiam lam bik te, zir nuam tih lam bik te hi kan lo nei țheuh mai a nih hi!
Twitter-ah PM Modi-a'n White House lehthal
PM Narendra Modi Tuna kan PM, Modi chu a tunlai bawk a. White House ai pawhin Twitter-ah "follower" a ngah tawh zawk maw le! Milar leh political leader ho hian Twitter hi an hmang nasa hle a, lar zawng / mi ngainat zawng tehna chi khatah ngaih a ni. Follow ve duh tan, PM Modi Twitter account: https://twitter.com/narendramodi Mi maktaduaih 4.99 -in an follow mek a, 5 million tling thuai tura ngaih a ni. Ram hruaitu dang follower (zuitu?) neih dan: Obama: 43.73 million Dalai Lama: 9.03 million Yudhoyono (Indonesia President): 5.07 million Pope: 4.18 million (Pope hian Account 9 a nei a, a belhkhawmin 14 million chuang a ni a, 2-na nia ngaih a ni bawk) White House: 4.98 million
damdawi.in website siamțha mek
Mizo țawnga damdawi leh hriselna lam hawi website awm hmasa ber Damdawi .IN website chu upgrade-na lamah tihsual palh a awm avangin siam țhat mek a ni.
Mizo Android app hmasa ber Play Store-ah
Vawiin khan Mizo Android app hmasa ber (nia kan hriat) chu Play Store atanga install theihin kan dah fel ta e. 2.8 MB-a lian niin, install hnu hian 5-7 MB vel space a duh a ni. Android version 2.2 chin chung lamah chuan a hman theih vek a ni. Tin, device 5000+ chuang mil tura siam a ni bawk. Khampat Media app hi tunah rih chuan Chanchinthar leh Ni Tin Chang update pekchhuahna'n kan la hmang ber a. I duhthusama a la tangkai tawk lo a nih pawhin a tangkai dan tur min lo hrilh hram hram dawn nia. Tunah hian a app chhunga Article view-ah hian Advertisement kan dah tel a. Hei hi min lo hriatthiamsak turin kan ngen che u a. He app hi a free a ni a, a thlawna tu pawhin an semdarh phal a ni bawk. Chumi a nih avang chuan he app kan siamnaa kan sum senso te a vai vaiin phuhru lo mah se, engemaw chen chu a lo sutkian ve theih avangin kan dah tel a, min lo hrethiam dawn nia. Hmathlir: Mizote'n a thlawna internet kaltlanga chanchinthar leh thuthar an dawn zung zung theihna tura Zor...
Popular Post
Windows leh Android-ah Mizo Ṭawng dik takin i chhu tawh ang u
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a. Latin hawrawp hmang chauh ni lo, Hindi ( हिन्दी ) hmang te, Burmese ( မြန်မာအက္ခရာ ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni. Windows 10 chinah leh Android 6 chinah te tuna kan rawn sawi tum hi enchhin a ni. Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni. (* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei l...
MLA LAD Fund hman theihna leh hman theih lohnate
MLA Local Area Development Fund hmanna leh hman zat te social media-ah a lang nual a, hetianga mipui sum hmanna puanzar hi thil ṭha tak a ni a, a hai chhuaktute leh a post tute pawh an fakawm. MLA Fund kan tih mai, MLA Local Area Development Fund Scheme (MLA LADS) hi duh lam hawi zawng apianga hman ngawt chi a ni lo a, a hmanna tur leh hman lohna tur chi bithliah fel tak a awm. MLA FUND HMANGA HNATHAWH THEIHTE: (Khawtlang hruaitute, ram hmangaihtu leh mi tinin hria i la ). Zirna lam kaihhnawih in sakna atan. (Construction of Educational buildings). Khawtlang tlan tur, tuikhur siam, tui verh (tui pump) siamna atan. Khaw panna emaw, khawchhung kawng siam/laihna emaw atan. Tar leh pianphunga danglam (rualbanlo) te a huhoa an chenna tur (Tar Enkawlna In ang chi) sakna atan. Khawtlang tui tlan hnar emaw, tuikhur humhalh leh tihchangtlunna emaw atan. A huho/zau inṭawm tur lo leh huan tuipekna tuikawng siamna'n. Public reading rooms/study rooms/village library sia...
Google Photos upload tawh sa compress dan
Google leh a product ngaisang leh hmang nasa em em mai ka ni a. Ka Android phone contact zawng zawngte leh thlalak (Photos & Videos) zawng zawng pawh Google Contacts leh Photos app hmangin Google server-ah ka dah vek mai ṭhin a. Phone tihchhiat palh leh thlak chang pawhin contact bo leh thalak bo hi ka nei ngai lo. Chuti taka ka hman ṭangkai viau lai chuan thawkkhat lai aṭang khan ka Google Drive chu a full titih ta reng mai a. Thlalak leh video ka upload ho chu han paih ṭhen mai tur ka hre ta lo a, hun ka neih loh deuh avangin thla hnih chhung phei chu Google Drive space ka lei belh lailawk a. Chumi chhung chuan engtin tin emaw ka inthian fai a, 15GB limit thleng lo tawk chuan ka dah thei a. Thlalak pawimawh vak lo leh kan hmeh nawn ho te ka paih a, ka lan ve lohna te phei chu ṭhiante ka thawn chhawng nasa hle a ni. Mahse, thla hnih thum a lo vei a, a hma ang bawk chuan ka Google Drive chu a lo khat chho leh dawn ta mai. Theihtawp chhuaha file pawimawh lo ho ka paih ṭhen h...
Mizoram Sana - The Mizo Meridian
Kamkeuna: Han ngaihtuah mai chuan sana dar zat hi khawia mi kan lak nge, mil a ngaihin khawiah nge kan mil ang tih hi ngaihtuah puat theih a ni a, ngaihtuah chet chet theih a ni bawk awm e. Thil tihhonaa 'i va tlai ve' emaw, 'i va hma ve' emaw min lo tih chuan kan sana kan han en a, Biak In dar mil thlap emaw, Radio mil thlap emaw, DDK/LPS/ZONET mil thlap emawa kan dah te a ni fur a. Tunlaiah chuan mobile phone hmangin service provider-te dah dik sa kan hmang nasa viau mai. Service provider te pawh a chang chuan a second mai ni lo, a minute hiala inhma hleih te pawh a awm ve nawk ṭhin. Thawkkhat lai khan India Hmarchhak bik tana sana hran neih te kha a thawm a ring viau a. Tin, school ṭan hun thleng hian sawi kai theih a ni a, kan thiam ang tawkin kan han sawi ang e. Sana Herh Mil Dan: Eng pawh lo ni se la, chumi kan sana va milna te chuan khawia dar zat nge an lo mil ve le? India ram puma sana kan hman chu Indian Standard Time (IST) kan tih mai hi a ni a. Chumi...
Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea
Eng hnam pawh hian, an ram leh hnam humhim tur hian tha leh zung an chhuah ṭhin a. An nunna hial thapin ram leh hnam tan an in pe ṭhin. Chutiang mite chu Hnam Pasalṭha tiin kan sawi ṭhin. Ka pu Chemchawma pawh hi chutianga mi inpe; a khua leh tui tana tha leh zung lo seng a, Mizoram chhanna'na nunna hial thapa British dote zinga tel a ni. Pasalṭha Chemchawma nen kan inkungkaih dan Pasalṭha Chemchawma hi a hming dik tak chu, Chhungchungnunga a ni a. A naupang lai hian naupang chum beng buang leh duhawm tak; mitmeng zim deuh leh bui deuh chuk a nih avangin, ṭhenawm khawvengte'n koh duatna'n Chemchawma an ti ṭhin a. Chu chu a len hnu thleng pawhin kohna'n an hmang ta zel a, a hming pangngai aiin a lo a lar ta zawk a. Koh hlenna'n an hman phah ta a ni. Ka pu Chawma hian, Unau pianpui pakhat Airuma a nei a. An unau hian, Pasalṭha an ni ve ve a, mi pangngai aia thahleipu; mi chak leh thahrui ngah niin an sawi ṭhin a ni awm e. Ka pu Airuma hi chu Sailamah Lal Bengk...