Vawiin khan Mizo Android app hmasa ber (nia kan hriat) chu Play Store atanga install theihin kan dah fel ta e. 2.8 MB-a lian niin, install hnu hian 5-7 MB vel space a duh a ni. Android version 2.2 chin chung lamah chuan a hman theih vek a ni. Tin, device 5000+ chuang mil tura siam a ni bawk.

Khampat Media app hi tunah rih chuan Chanchinthar leh Ni Tin Chang update pekchhuahna'n kan la hmang ber a. I duhthusama a la tangkai tawk lo a nih pawhin a tangkai dan tur min lo hrilh hram hram dawn nia.

Tunah hian a app chhunga Article view-ah hian Advertisement kan dah tel a. Hei hi min lo hriatthiamsak turin kan ngen che u a. He app hi a free a ni a, a thlawna tu pawhin an semdarh phal a ni bawk. Chumi a nih avang chuan he app kan siamnaa kan sum senso te a vai vaiin phuhru lo mah se, engemaw chen chu a lo sutkian ve theih avangin kan dah tel a, min lo hrethiam dawn nia.

Hmathlir:

1. Mizote'n a thlawna internet kaltlanga chanchinthar leh thuthar an dawn zung zung theihna tura Zoram pum huap chanchinthar dah tel.
2. Damdawi leh hriselna lam chanchinthar te inhrilh hriat zung zung theihna tura buatsaih.