A zawhna khi tawi tea chhan dan leh thui deuha chhan dan a awm si a, kalkawnga inhmu zuai kan nih avang chuan hmanhmawh takin, thil reng reng hi chu a chuang liam a awm zel a nia, tui pawh hi in ṭeuh i la, a thihpui ve theih a nia ka ti a. Han chawl lailâwk a, damdawi tel loa a awm theih leh theih loh inenchhin phawt tura inchahin kan inkalsan ta a.

Damdawi a nih tawh hi chuan herbal (natural) a ni emaw, laboratory-a siam chawp (synthetic) a ni emaw, chemical a pai tel zel tih hi kan hriat chian a lo ngaiin inzirtir kan lo ngai hle mai tih ka ngaihtuah phah ta a. A bîkin thlai leh hnim te hian chemical chi hrang hrang a pai nasa a, a ṭhenkhat phei hi chuan tlem te ei pawha mihring tana hlauhawm leh nunphung tibuai khawp a pai thei tih hriat a ṭha hle a. Tin, a ṭona hmun leh a sengkhâwm hun a zirin a chemical pai te hi a danglam fo avangin tualchhunga siamchawpte phei hi chu test-na awm hran lo a nih avangin a chemical pai zât hi a danglam fo thei tih hriat a, fimkhur hle tur a ni.

Engpawhnise, daktawrin ei tura a tih anga ei mai hi himna a ni.