Khampat .BLOG

Kum a lo vei a lo vei ve takah chuan thil hrang hrangte kan lo tilawr ve nasa ta hle mai a. Tu khaw kha hriatpui vak lem loh te pawh sulhnu tam tak kan lo nei ve tawh reng mai. Vawiin chu Khampat Media website hrang hrangte ka'n en a. Ngaihtuahna a tikal thui hle mai! Khampat Hosting hi 2007 khan kan han kalpui ve rawih mai a. Hetia kan kalpui hma hian 2004 aṭang khan nasa takin theihtawp chhuahin webhosting chi hrang hrang kan lo ti chho ve a. A har kan ti thei hle. Inbiak pawh a la har si, thusei deuh thawnna'n sms a tawi thei si, a to si! Email kha rem leh rem loin kan va hmang nasa tak! Kan domain register hmasa ber kha phedserchhip ni tain ka hria. A man tur pawh kan la bituk thiam lo, tlawm deuh angin kan tilang a, hidden cost a lo tam si! Kan han chhut neuh neuh a, a man a sang chho nasa ta mai. Hloh duh bik bawk si lo, a nuam lo lek lek! Multitier business ang chi hi rilruah a lang nasa a, lehkhabu hrang hrangte lo chhiarve fona leh mi sumdawnna chanchin zirchianna te

Naupang chum chiap mai kan la nih laia a hming an lam rik kan hriat aṭanga thing kung lian tak a ni tih kan hriatthiam ve nghâl mai, veng ri ṭhenna, landmark pawimawh êm êm mai vawiinah a lo tlu tliak ringawt mai tih social media kaltlangin ka lo hmu ve a. A uihawm ka ti ngei mai! Midland English School kan kal lai te, a bul lawka ka pu te in a awm lai te pawha a zik no thur kan chhar a, hmawng sawh kan siam lai te mithlaah a lo lang nghâl pup pup mai. Têt te aṭanga thing leh mau ṭangkaina zirtir reng kan ni a. Thing leh maute hi ka hlut êm êm ṭhin a. Chutah pawh chuan thing engemaw bîk, Dardengi Hmawng ang chi te, Khampat Bungpui ang chi te, phei hi chu a thing leh mau ngaina hranpa lo tan pawh amah maia hlutna engemaw riau nei a ni ve a. Lung a kuai êm êm bîk a ni. Thing a ni emaw, mau a ni emaw, khawvel chhung leh pawna nunna nei kan han tih chi te, vanthengreng leh lei chhungril thûk tak pawha thil awm reng reng hi awm ṭan ni leh tawp ni nei vek an ni a, thi

Tunlai kan boruak tawnin a zir bawk a, online meeting kan uar khawp mai a. Online meeting link hi awlsam tea siam theih a ni a, tlema han uluk deuh phei chuan meeting dawn leh meeting laia buaina tam tak a ven theih a ni. Google Meet hmanga online meeting (webinar) link siam dan zir ho ang aw... 1. I browser aṭang khan meet.google.com kha hawng la, "New Meeting" kha i hmet ang. 2. Meeting link siam dan chi thum a lo lang ang. A chung bera mi hi nakina la hman tur meeting link siamna a ni a, link a siam ang a, i lut nghal lo ang. Pahnihna hi meeting link siama meeting room-a luh nghalna a ni. A hnuaia bera mi hi Google Calendar hmanga meeting hun tur duan lawkna a ni a, hei hi kan en zui ang. 3. Google Calendar link-ah a hruai lut che ang a. Add title tihah hian meeting hming i chhu lut ang a, a hnuaiah hian a ni leh dar zat i dah luh ang. Thil dang dah belh ngai i neih loh chuan i Save ang a, i meeting neih hun tur chu i calendar-ah a lo lang tawh ang. 4. Meeting detail i dah

  Love Song  ngaithla ngai miah lo i ni em? Love Song ngaithla ngai miah lo hi chu mi tlem te an ni ang. Kei chu ngaithla ve nasa tak mai ṭhin ka ni a. Mahse, nu leh pate hian ngaihthlak vak an phal loh avangin in chhungah chuan kan play khat khawp mai, khat han ti i la, kan play ngai lo te pawh a tih theih ang. Mahse, Cable TV lo lar tak a, hla thlan channel a awm tak hnu khan han hmehchhuah sual palh zeuh kha kan ching ve a. Kum a lo vei a, love song lam chu sawi loh, hla hrim hrim pawh ka ngaithla khat ta khawp mai. Kum 10 deuhthaw hla ngaithla mumal loa ka awm hnuin tunlai chu ka ngaithla nasa a, khawhar hnemah tiin ka play ngun viau mai a. Mahse, love song chungchanga ka ngaihdan hi a dang ta deuh riau mai a. A chhan ni bera ka hriat chu Pathiana innghah pawimawhzia ka tem ve tak vang pawh a ni ang. Love song kan han tih bika hi chu sakhua nena inzawmna nei lo, mipa leh hmeichhe inhmangaihna leh induhna hla ho bik ka sawina a ni a. A huang tihzim leh tihzauh thu-ah chuan ramri kha

CHAWNGPUII NGE A NU? - Lalmuana A hmasain Chawngpuii pian leh murna chu Parvatui a ni a, a pa chu Suakpuilala a ni a, a nu erawh chu a hming tak ka hret hei ta lo a ni. Chawngpuii hi nula hmelṭha tak an unau zingah pawh hmelṭha lawr lak a ni a, a hmelṭhat em avang hian Zoram pawh a deng chhuak hial a ni. A hmelṭhatzia chu Sangvunga fapa, Lalkanglova, Tuifim lal chuan a lo hriatin amah hmu tur leh neih tumin Parvatui lam pan chuan a kal ta a. An in a zuk thlen chuan Chawngpuii chuan Vawk chaw chhum pah hian la a lo hlum a. Lalkanglova a hmuh chuan, "lo leng rawh enge i tih dawn" a lo ti a. Lalkanglova chuan, "In khua hi a va hla ve" a ti a. Chawngpuii chuan nui sang chung hian, "Kan khua aṭang chuan a hla lo a sin" a ti a. Rei fe an inkawm hnu chuan Lalkanglova chuan neih tumin a nu leh pa te dil turin palai a tir ta a. Mahse, inneih chu an puitlin mai thei lo va. Lalkanglova chu khaw lampanin a haw leh ta a, a hnuah a zuk kal nawn leh a, palai tir nawn leh