Featured Post

Windows leh Android-ah Mizo Ṭawng dik takin i chhu tawh ang u

Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a.

Latin hawrawp hmang chauh ni lo, Hindi (हिन्दी) hmang te, Burmese (မြန်မာအက္ခရာ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni.

Windows 10 chinah leh Android 6 chinah te tuna kan rawn sawi tum hi enchhin a ni.

Windows 10-a Ṭ chhut dan:

Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni.
(* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei lo niin a lang. Tin, software hluihlawn tawh PageMaker tih ang velah chuan 'ṭ' character hi a hman theih loh bawk).


Android Phone atan:

Android phone-a Ṭ kan hman theihna atan hian Mizo Android app developer ṭhenkhatin Keyboard app an siam a awm a: >> download link <<

Anni siam hi a zahawm viau rualin, phone tam takah Google Keyboard (Gboard) a rawn chhawmsa a, app dang install belh ngai loin leh Google service hman ṭangkai theihna atan Settings tlem tidanglam hleka Ṭ chhut theih dan kan sawi ang.
  1. Space bar kha han hmet vang vang la. Keyboard list a lo lang ang. English (India) emaw, US or UK tih vel a lo intlar ang a, Language settings-ah khan i lut ang.
  2. A hnuai lamah khan Add Keyboard tih a lo awm ang a, Santali Mizo* tih kha i hmet ang a, Latin tih kha i thlang ang a, Santali (Latin) tiin a lo lang ang a, Multilingual typing i on ang a, English (India) i thai tel bawk ang.
  3. Back char char la, thu i chhut theih thlengin. Ṭ i chhut duh hunah T key kha han hmet vang vang la, chu a lo lang mai dawn a ni.
Mizo ṭawng hi list-ah khan a tel ve ngei theihna turin theihtawpin, kan theihna kawng ṭheuhah hma i la ang u! (Google Keyboard Language list-ah hian Mizo hi telh a ni tawh a ni. - LP (2020).

* Thaichhiat (strikethrough) leh hawrawp sena ziah te hi Gboard update thar mil tura a hnua siamremna lai a ni. - LP (2020).

Comments

Buy Online! Home Delivery!!

Popular Post

Mizo Doctor hmasa - Hmunṭha khaw lal daktawr

MLA LAD Fund hman theihna leh hman theih lohnate

Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea

Mizoram Sana - The Mizo Meridian