cafe kal dawn hian a lut ziah

By -

Ka nau a nih hi

Popular Post

Windows leh Android-ah Mizo Ṭawng dik takin i chhu tawh ang u

By -
Image
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a.

Latin hawrawp hmang chauh ni lo, Hindi (हिन्दी) hmang te, Burmese (မြန်မာအက္ခရာ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni.

Windows 10 chinah leh Android 6 chinah te tuna kan rawn sawi tum hi enchhin a ni.

Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni.


Android Phone atan: Android phone-a Ṭ kan hman theihna atan hian Mizo Android app developer ṭhenkhatin Keyboard app an siam a awm a: >> download link <<

Anni siam hi a …
Kimchang zawkin »

I Google account a him em? Security Check-up bihchianna

By -
Image
Mi nawlpuiin email service kan hman tam ber chu Google Mail service, Gmail hi a niawm e. Email hman ngaihna thil engkim atan kan hmang a tih theih awm e. Android phone te nen thlunzawmin, phone bo zawnna thlengin he Gmail hi a ṭangkai em em a ni. Chuti khawpa thil ṭangkai chu miin an lo tihbuaisak thei che (em?)! I Google account a him nge him lo tih en dan kan sawi ang.

A hmasa berah chuan, i password a him em? Password siam dan chungchangah hian fimkhur a ngai khawp mai a. A har thei ang bera siam tur a ni. Thumal awmsa emaw, number indawt chho te, pian ni, anniversary, phone number tih vel hi a hlanga hman loh tur a ni. Alphabet leh number chawhpawlh bakah symbol/special character hman ṭhin tur a ni. Entirna lar berah chuan P@ssw0rd tih hi a ni a. Han en vang vang i la, a inchawhpawlh kim hle a ni. Khitiang deuh khian thumal, number leh symbol inpawlh hman tur lo ngaihtuah ve rawh. Mahse, har leh lutuk, nangmah pawhin i hriatreng theih loh kha chu hman kher a ṭul lo.

A dawt lehah …
Kimchang zawkin »

Google Photos upload tawh sa compress dan

By -
Image
Google leh a product ngaisang leh hmang nasa em em mai ka ni a. Ka Android phone contact zawng zawngte leh thlalak (Photos & Videos) zawng zawng pawh Google Contacts leh Photos app hmangin Google server-ah ka dah vek mai ṭhin a. Phone tihchhiat palh leh thlak chang pawhin contact bo leh thalak bo hi ka nei ngai lo.

Chuti taka ka hman ṭangkai viau lai chuan thawkkhat lai aṭang khan ka Google Drive chu a full titih ta reng mai a. Thlalak leh video ka upload ho chu han paih ṭhen mai tur ka hre ta lo a, hun ka neih loh deuh avangin thla hnih chhung phei chu Google Drive space ka lei belh lailawk a. Chumi chhung chuan engtin tin emaw ka inthian fai a, 15GB limit thleng lo tawk chuan ka dah thei a. Thlalak pawimawh vak lo leh kan hmeh nawn ho te ka paih a, ka lan ve lohna te phei chu ṭhiante ka thawn chhawng nasa hle a ni.

Mahse, thla hnih thum a lo vei a, a hma ang bawk chuan ka Google Drive chu a lo khat chho leh dawn ta mai. Theihtawp chhuaha file pawimawh lo ho ka paih ṭhen hnu pawh…
Kimchang zawkin »

Cachar ramri, dàn mit aṭanga a lan dan - Robert Hrangdawla ziah

By -
Image
Cachar nena kan ramri hi kan chiang lo tlangpui a. Sorkar Record-a a lan dan, Dàn mit aṭanga a lan dan chu:

1871 hma khan Thingpui Huan siama Sap Sumdawng hoin Mizo Lalte ramah Thingpui Huan siamin kan ram an rawn nek a. Kan Lalte'n kan ram humhimna'n a rualin, Ni 23.1.1871 khan umchhuah tumin hma an la a. Khawthlang lamah Bengkhuaia leh Lal dangte'n Alexandrapur leh Katlicherra thleng hma an laa, Zoluti an man bawka. Khawchhak lamah 23.1.1871 tho khan Lalburha leh Lal dangte'n Jhalnacherra ah hma an laa; Ni 26.1.1871 khan Manierkhal Outpost an luhchhuak a; chumi hnuah Nundigram khuaah hma an la leh a; a vaiin mi 25 an that a, man pawh an nei nual a, tin silai 13 an man bawk.

Heta ṭang hian kan Lalte'n kan ram, Mizoram chin an lo tih chu hai rual a ni lo.

Mizo History ziaktu ṭhenkhatin, kan Lalte'n vai run angin an ziak a, hei hi thudik lo niin a lang. Kan Lalte kha misual, mi run hmang an ni lo, vai an run lo, an remtihna tel loa an ram, kan ram an rawn nek kh…
Kimchang zawkin »

Minimum balance ngaih lohna SBI Basic Savings Account

By -
Image
Tunlai chu Bank lam chungchang chanchinthar chu State Bank of India (SBI)-in minimum balance a awm loha customer te pawisa an chawitir thin chungchang hian a luah khat hle mai a. Hetianga pawisa an chawitir tlingkhawm pawh vaibelchhe sang khat chuang teh meuh a tling a ni. Mipui lam atangin nawrna a nasat avangin average minimum monthly balance pawh tihhniam emaw, quarterly average balance anga kalpui emaw an tum nia sawi te pawh a awm a. Engpawhnise, minimum balance awm loh avanga customer-te pawisa chawi tur erawh an tibo mai dawn lo niin a lang.

SBI hian Bank Account hawn theih chi hrang hrang an nei a, a vaiin kan sawi lo ang a, tun tumah chuan Basic Savings Bank Deposit Account chungchang hi kan ziak dawn a ni.

He basic savings account hi mi tupawhin, KYC documents a neih kim chuan a hawn phal vek a ni a. Chutih laiin a tum ber chu mi rethei zawkte leh sum lakluh tlem zawkte tan, bank charge leh fee neuh neuh awm lo tura duan a ni.

He account hi mimal emaw, joint emaw-in a hawn …
Kimchang zawkin »