Hringlang tlang ka chuan a!
Kum a lo vei a lo vei ve takah chuan thil hrang hrangte kan lo tilawr ve nasa ta hle mai a. Tu khaw kha hriatpui vak lem loh te pawh sulhnu tam tak kan lo nei ve tawh reng mai. Vawiin chu Khampat Media website hrang hrangte ka'n en a. Ngaihtuahna a tikal thui hle mai!
Khampat Hosting hi 2007 khan kan han kalpui ve rawih mai a. Hetia kan kalpui hma hian 2004 aṭang khan nasa takin theihtawp chhuahin webhosting chi hrang hrang kan lo ti chho ve a. A har kan ti thei hle. Inbiak pawh a la har si, thusei deuh thawnna'n sms a tawi thei si, a to si! Email kha rem leh rem loin kan va hmang nasa tak!
Kan domain register hmasa ber kha phedserchhip ni tain ka hria. A man tur pawh kan la bituk thiam lo, tlawm deuh angin kan tilang a, hidden cost a lo tam si! Kan han chhut neuh neuh a, a man a sang chho nasa ta mai. Hloh duh bik bawk si lo, a nuam lo lek lek!
Multitier business ang chi hi rilruah a lang nasa a, lehkhabu hrang hrangte lo chhiarve fona leh mi sumdawnna chanchin zirchianna te han chhiar hian thil pakhat chauhin sumdawnna te hi ṭan mah se la, thil tam takah hian an lo sumdawng a. Mi thil mamawh hi a pangngai reng lo a, chutia mi duhzawng a inthlak hunah pawha sumdawnna a chhiat ve nghal mai lohna tur atan chuan thil hrang hrang, inang lo tak takah sumdawn a lo ṭul khawp mai. Chutiang vang te pawh chu a ni mah se, Khampat Hosting aia chunga awm turin Khampat Media hi a tir te mai aṭang khan kan han siam ve ngawt mai a.
A hnu deuhah phei chuan personal blog ang deuh thawthanga hman theihin Blog te pawh kan han siam ang lawi a. Social media hman tak tak hma a ni nen, tunlaiah kan Facebook leh WhatsApp status hman ang mai hian kan hmang a. Kan ṭhianpa erawh hi chuan a chanchinbu lamah thu a dah tam a, helam hi chu a rawn ti tam vak lo.
Khawvelah hian enge pawimawh ber ni ta? Mizote thlarauin pialral a panna kawngah khan lungloh tui an dawn hmaa hringlang tlang an thlir ang khan ngaihruatna hringlang tlangah han lawn la, mihringte ni tin khawsak ngaihtuaha an phusak dan leh an chet dan saw han en teh. An va hmanhlel em! Engti tura sawti taka hmanhlel saw nge an nih? A chhanna ṭha deuh deuh a tam ang a, a chhanna zawng zawng pawh i ngaithla seng dawn lo, nangmah khan han chhang mai teh!
I thil duh, i tlaivarpui ṭhin, i chaw ei tui lohna chhan thilte hi engtia rei nge i awm loh hnuah a awm zui dawn? Nge, i awm laia a awm ve laia hlawkna te i seng hman chuan i duh tawk ang? Nge ni, i thiltihte hi chhan awmin i ti a, i mimal hlawkna piah lama mite hlâwkna chan theihna tur leh i ka bo hnu pawha mi dangin an chhunzawm zel theih tura hnutchhiah i phal em? Hnutchhiah tlâk a ni reng em?
Popular Post
MLA LAD Fund hman theihna leh hman theih lohnate
MLA Local Area Development Fund hmanna leh hman zat te social media-ah a lang nual a, hetianga mipui sum hmanna puanzar hi thil ṭha tak a ni a, a hai chhuaktute leh a post tute pawh an fakawm. MLA Fund kan tih mai, MLA Local Area Development Fund Scheme (MLA LADS) hi duh lam hawi zawng apianga hman ngawt chi a ni lo a, a hmanna tur leh hman lohna tur chi bithliah fel tak a awm. MLA FUND HMANGA HNATHAWH THEIHTE: (Khawtlang hruaitute, ram hmangaihtu leh mi tinin hria i la ). Zirna lam kaihhnawih in sakna atan. (Construction of Educational buildings). Khawtlang tlan tur, tuikhur siam, tui verh (tui pump) siamna atan. Khaw panna emaw, khawchhung kawng siam/laihna emaw atan. Tar leh pianphunga danglam (rualbanlo) te a huhoa an chenna tur (Tar Enkawlna In ang chi) sakna atan. Khawtlang tui tlan hnar emaw, tuikhur humhalh leh tihchangtlunna emaw atan. A huho/zau inṭawm tur lo leh huan tuipekna tuikawng siamna'n. Public reading rooms/study rooms/village library sia
Windows leh Android-ah Mizo Ṭawng dik takin i chhu tawh ang u
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a. Latin hawrawp hmang chauh ni lo, Hindi ( हिन्दी ) hmang te, Burmese ( မြန်မာအက္ခရာ ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni. Windows 10 chinah leh Android 6 chinah te tuna kan rawn sawi tum hi enchhin a ni. Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni. (* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei l
Mizo Doctor hmasa - Hmunṭha khaw lal daktawr
MIZO DOCTOR HMASA PAHNIH Dr. Laltawnga Sailo leh Dr. Lalṭhuama Laltâwnga Sailo, Hmunpui lal fapa leh Lalhuta Sailo, Kulikawn te hi Mizo zinga Doctor hna zir hmasa ber te niin, Pawl 8 pass-in an zir theih Licenciate Medical Practitioner chu kum 1911-ah an zir chhuak a. Lalhuta Sailo hi doctor hna thawk hman loin TB vangin a thi a. Laltâwnga Sailo hian Sawrkar hna thawk loin Hmunṭha khaw lal a ni ta thung a ni. Hmunṭha khaw lal daktawr hi a khua leh tuite'n an thlamuanpui em em ṭhin a, a boral hnuah pawh tun thleng hian a khua leh tuite chuan an la zahin an la ngaisang êm êm a, a thla lung nalh taka an siam bâkah Hmunṭha khuaa Hall lian ber chu Dr. Laltawnga Hall tiin an phuah hial a ni. Dr. Lalṭhuama hi Zawngṭah khua, kum 1892-a piang a ni a. Shillongah pawl 8 a zo a, BW Medical School, Dibrugarh aṭangin Licenciate Medical Practitioner (LMP) kum 1916-ah a zo ve thung a. Mizo zinga doctor hna thawk hmasa ber a ni ta a ni. Kum 1925 khan Tangkapui, Victory Medal, British W
Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea
Eng hnam pawh hian, an ram leh hnam humhim tur hian tha leh zung an chhuah ṭhin a. An nunna hial thapin ram leh hnam tan an in pe ṭhin. Chutiang mite chu Hnam Pasalṭha tiin kan sawi ṭhin. Ka pu Chemchawma pawh hi chutianga mi inpe; a khua leh tui tana tha leh zung lo seng a, Mizoram chhanna'na nunna hial thapa British dote zinga tel a ni. Pasalṭha Chemchawma nen kan inkungkaih dan Pasalṭha Chemchawma hi a hming dik tak chu, Chhungchungnunga a ni a. A naupang lai hian naupang chum beng buang leh duhawm tak; mitmeng zim deuh leh bui deuh chuk a nih avangin, ṭhenawm khawvengte'n koh duatna'n Chemchawma an ti ṭhin a. Chu chu a len hnu thleng pawhin kohna'n an hmang ta zel a, a hming pangngai aiin a lo a lar ta zawk a. Koh hlenna'n an hman phah ta a ni. Ka pu Chawma hian, Unau pianpui pakhat Airuma a nei a. An unau hian, Pasalṭha an ni ve ve a, mi pangngai aia thahleipu; mi chak leh thahrui ngah niin an sawi ṭhin a ni awm e. Ka pu Airuma hi chu Sailamah Lal Bengk
Mizoram Sana - The Mizo Meridian
Kamkeuna: Han ngaihtuah mai chuan sana dar zat hi khawia mi kan lak nge, mil a ngaihin khawiah nge kan mil ang tih hi ngaihtuah puat theih a ni a, ngaihtuah chet chet theih a ni bawk awm e. Thil tihhonaa 'i va tlai ve' emaw, 'i va hma ve' emaw min lo tih chuan kan sana kan han en a, Biak In dar mil thlap emaw, Radio mil thlap emaw, DDK/LPS/ZONET mil thlap emawa kan dah te a ni fur a. Tunlaiah chuan mobile phone hmangin service provider-te dah dik sa kan hmang nasa viau mai. Service provider te pawh a chang chuan a second mai ni lo, a minute hiala inhma hleih te pawh a awm ve nawk ṭhin. Thawkkhat lai khan India Hmarchhak bik tana sana hran neih te kha a thawm a ring viau a. Tin, school ṭan hun thleng hian sawi kai theih a ni a, kan thiam ang tawkin kan han sawi ang e. Sana Herh Mil Dan: Eng pawh lo ni se la, chumi kan sana va milna te chuan khawia dar zat nge an lo mil ve le? India ram puma sana kan hman chu Indian Standard Time (IST) kan tih mai hi a ni a. Chumi
Comments
Post a Comment
Please comment and not to hurt others' feeling.