Featured Post

Website i tlawh ṭhinte khan i chetzia an thlir, an chhuizui che!

Google-ah thil i han zawng emaw, shopping website-ah i product duhzawng i han en emaw hian a hnu lawkah website dang te i han en emaw, Youtube video i en emaw, game khelh laia ads lo langah khan i duhzawng tak kha an lo tarlang ṭhin em? Engtin nge i duhzawng kha an hriat? Chhan dang vak a awm lo, an thlir reng che a, an chhui zui reng che tihna a ni mai.

Website engpawh i luh hian i chanchin tawi engemaw, i duhzawng, i thil zawn ṭhin te hi tlem tlem chhinchhiah zel a ni a. Chutiang data, website hrang hrang aṭanga an lakkhawm hmang chuan, i duhzawng, i nundan, i mut hun, i hnathawh hun thlengin an lo zirchiang thei ta a ni.

Mahse, chutianga an lo chhui chianna zawng zawngte chu dan hnuaia tih vek a ni, langtlang takin! Chutianga mi zawng zawng data an lo lakkhawm hmang chuan sum an lo siam ve avangin an product hrang hrangte chu a thlawnin kan lo hman theih phah ve bawk a. A tawn tawnin kan hlawkpui ve ve tih theihna lai pawh a awm a ni.

Chutianga dan hnuaia an tih pawh chu ṭhenkhat chuan an duh lo hle! Chutah website ṭhenkhatin dan pel meuh i chanchin lo chhuiin, i duhzawng chawchahah hmangin i duh loh zawng thleng thlengin duhtir tur chein i thluak sukna atan thlengin lo hmang ta se, engtin nge i tih ang? Engtin nge i inven ang? Engtin nge i fate i ven ang?

Data Protection, Privacy Protection tia sawi bawk hi a tih theih dan tam tak awm mah se, tunah chuan Mozilla Firefox Browser-in Tracking Protection a neih hi zirchiang teh ang.

A hmasa berah chuan i Firefox browser kha version thar ber i hman leh hman loh kha a sir kil chunglam dinglama Menu button aṭang khan Help-ah, About-ah khan han kal la. Version thar ber a download dawn a ni. Hemi Menu button i hmeh tho kha han hawng leh la, a lema mi ang hian Tracking Protection button a lo awm ang a, i hmet ang a, rawng pawl a lo awm va hunah khan Privacy Protection chu i activate ta tihna a ni ang.

Firefox Tracking Protection chuan eng nge a thawh dan?

He Tracking Protection hian i website tlawhte'na i data hrang hrang - history, cookies, i thil zawn hrang hrangte an lak tur lakah a veng dawn che a ni. Tin, kan ngaihpawimawh ber, dan bak pela che ṭhinte lakah a veng hle dawn bawk che a ni.

Tihdam aiin inven a ṭha zawk tih a nih kha! A inven theih lai hian theihtawpin inveng ang u.

Comments

Buy Online! Home Delivery!!

Popular Post

Mizo Doctor hmasa - Hmunṭha khaw lal daktawr

MLA LAD Fund hman theihna leh hman theih lohnate

Windows leh Android-ah Mizo Ṭawng dik takin i chhu tawh ang u

Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea

Mizoram Sana - The Mizo Meridian