Google+ tihtawp a ni leh dawn ta! Hriat tur pawimawhte

Google chuan social networking site an siamchhuah, Google+ chu hmangtu an tam loh avangin leh enkawl a hautak an tih avangin April 2, 2019 hian an titawp leh dawn a ni. Google+ hi Orkut leh Buzz hnua Google-in an social networking site an tihtawp pathumna a ni dawn ta a ni.

Google chuan ni hnih khat kalta khan Google+ user te hnenah email thawnchhuakin April ni 4-a tihtawp a nih tur thu leh user data te download theih a nih dante a thawn darh a. Nikum December thla khan Google+ tihtawp a nih tur thu hi a lo sawi lawk tawh a ni.

Google+ Mizoram Community

Hriat tur pawimawh eng nge awm?

1. Google+ thlalak leh video te delete vek a ni dawn.
2. Photos app hmanga i backup chu delete tel ve a ni lo ang.
3. I thlalak leh video te hi i dah ṭhat duh chuan i download vek thei.
4. I thlalak leh video te hi April thla hmain i download vek loh chuan server aṭanga delete vek a ni dawn.
5. Naktuk, February 4, 2019 aṭang hi chuan Google+ profiles, pages, communities leh event te siam thar theih a ni tawh dawn lo a ni.
6. Community owner leh moderator te chuan March thla tir aṭangin Community photos leh video te bakah, post zawng zawng te an download vek thei ang.
7. Google+ sign-in button hmanga sign-in chu kar hnih khat hnuah tihtawp a ni ang a, Google sign-in button hmangin thlak a ni hlawm ang.
8. Blogger leh Google+ link chu naktuk aṭangin a tawp ang a, Blogger comment pawh Google+ profile hmangin a pek theih tawh loh ang.
9. G Suite customer te tan chuan Google+ hi a la tawp lo ang a, chu bakah G Suite hmangte tan chuan Google+ hmel thar a lo lang bawk ang.

Data Download Link: https://takeout.google.com/settings/takeout/

FAKNA:
G Suite chungchangah hian hriatchian duh in neih chuan biakpawh theih reng kan ni e.