Christmas Bazar - Mizo Kristiante tan phurna nge phurrit?
Vawiin chu tihtur hmanhmawhthlak ka neih loh avang leh ka bike tlan loh ni a nih avangin muangmarin Aizawl bazarah kein ka kal tlang a. Ka kal leh haw lamah mi hrang hrang ka tâwk a, ka kalpui a, ka kal pel bawk a. Kal paha titi ka hriatte chuan kan tet laia ka nu leh ka pain Krismas dawna Aizawl bazara neih thing lung khawnga min kalpui lai mitthlaah a lo lang nasa mai a. Ding lam leh vei lam, hnung lam leh hma lamah han hawi ngaihna pawh awm lo khawpin kan phu mur mur mai a, a mipui nawlpui pawh phur takin ka bazar mur mur niin a lang thei.
Mipui zi nuaih nuaih kara ri danglam bik leh mipui zi mur mur kara chêtze danglam bîk pu te chu han belhchian ka châk ta khawp mai a: ka mit leh beng ka'n len deuh ta a.
Bazar ka kal pelh hnua ka ngaihtuahna luah tâ chu: Mizo Kristiante tan hian Krismas hi phurna nge phurrit ni ang tih zawhna ka rilruah a lo inthum rawn ta tluk tluk mai a!
Kohhran hian Zu leh ruihtheihthil dang kan duh loh leh kan do nasat ang hian Krismas dawna thil thar neih hi doin, inzirtirna hi uar ta i la. Nu leh pa tam tak ṭahna leh lungngaihna hi kan tiziaawm ang em? Nge, hetianga kohhran mite'n thil thar an neih sup sup hi Lei Kohhran Ropuina-ah kan ngai zâwk? Krismas dawna thil thar neih kher a ngai lo, tih inzirtirna hi run dalah chuan kan nei ve mah na, eirûkna kan do ang vêl lek thoin kan do ni vêlah ka ngai.
Thawmhnaw leh thil thar neih hi eng nge a ropuina ber ni ang? I ngaihdan rawn comment ve teh...
Popular Post
Sailam Lal Bengkhuaia Pasalṭha Chawma, James Winchester thata a fanu Mary Winchester sala mantu - Chungtea
Eng hnam pawh hian, an ram leh hnam humhim tur hian tha leh zung an chhuah ṭhin a. An nunna hial thapin ram leh hnam tan an in pe ṭhin. Chutiang mite chu Hnam Pasalṭha tiin kan sawi ṭhin. Ka pu Chemchawma pawh hi chutianga mi inpe; a khua leh tui tana tha leh zung lo seng a, Mizoram chhanna'na nunna hial thapa British dote zinga tel a ni. Pasalṭha Chemchawma nen kan inkungkaih dan Pasalṭha Chemchawma hi a hming dik tak chu, Chhungchungnunga a ni a. A naupang lai hian naupang chum beng buang leh duhawm tak; mitmeng zim deuh leh bui deuh chuk a nih avangin, ṭhenawm khawvengte'n koh duatna'n Chemchawma an ti ṭhin a. Chu chu a len hnu thleng pawhin kohna'n an hmang ta zel a, a hming pangngai aiin a lo a lar ta zawk a. Koh hlenna'n an hman phah ta a ni. Ka pu Chawma hian, Unau pianpui pakhat Airuma a nei a. An unau hian, Pasalṭha an ni ve ve a, mi pangngai aia thahleipu; mi chak leh thahrui ngah niin an sawi ṭhin a ni awm e. Ka pu Airuma hi chu Sailamah Lal Bengk...
Mizoram Sana - The Mizo Meridian
Kamkeuna: Han ngaihtuah mai chuan sana dar zat hi khawia mi kan lak nge, mil a ngaihin khawiah nge kan mil ang tih hi ngaihtuah puat theih a ni a, ngaihtuah chet chet theih a ni bawk awm e. Thil tihhonaa 'i va tlai ve' emaw, 'i va hma ve' emaw min lo tih chuan kan sana kan han en a, Biak In dar mil thlap emaw, Radio mil thlap emaw, DDK/LPS/ZONET mil thlap emawa kan dah te a ni fur a. Tunlaiah chuan mobile phone hmangin service provider-te dah dik sa kan hmang nasa viau mai. Service provider te pawh a chang chuan a second mai ni lo, a minute hiala inhma hleih te pawh a awm ve nawk ṭhin. Thawkkhat lai khan India Hmarchhak bik tana sana hran neih te kha a thawm a ring viau a. Tin, school ṭan hun thleng hian sawi kai theih a ni a, kan thiam ang tawkin kan han sawi ang e. Sana Herh Mil Dan: Eng pawh lo ni se la, chumi kan sana va milna te chuan khawia dar zat nge an lo mil ve le? India ram puma sana kan hman chu Indian Standard Time (IST) kan tih mai hi a ni a. Chumi...
Windows leh Android-ah Mizo Ṭawng dik takin i chhu tawh ang u
Computer a lo thlen tirh khan Mizo hnamzia a rawn nuai khawlo zo ṭep a. Mahse, technology lama hmasawnna chu a ṭhang chho zel a, hnam tin chi tin, ṭawng tina mite'n technology lo kan hnamze milin kan lo her chho ṭan ta hlawm a. Latin hawrawp hmang chauh ni lo, Hindi ( हिन्दी ) hmang te, Burmese ( မြန်မာအက္ခရာ ) hmangte pawhin anmahni hawrawp ngeiin an thaikawi thei ta a. Mizo ṭawng erawh mumal takin Keyboard kan la nei lo a. Chutih laiin ṭawng dang hmangte zar zoin mahni ṭawng dik takin kan ziak chho ve thei dawn ta a ni. Windows 10 chinah leh Android 6 chinah te tuna kan rawn sawi tum hi enchhin a ni. Windows 10-a Ṭ chhut dan: Key pathum aṭanga key pahnih hmeh kawp ngai a ni a. Ctrl+Alt+Shift+T hmeh mai tur a ni. Hawrawp tea ṭ kan ziah duh chuan Shift key hi hmet tel loin, Ctrl+Alt+T hmeh leh mai tur a ni. (* Feedback kan dawn aṭanga a landanin Windows 10 genuine hmang lo leh Location leh Language-a India emaw, India (English) hmang lo chuan hemi shortcut hi an hmet thei l...
Ramhuai ûm bo a ni em? - Mary Winchester Zoluti
Mizorama Kristianna a luh hma kha chuan ramhuai kan be ṭhin, thing bul lung bul bia kan ni tih vel hi ziak leh sawi hriat tur a tam fu mai. Chutih laiin ramhuai bia kan ni lo, kan tlawn zâwk, thing bul lung bul kan be lo tih thawm pawh a zawi chuang lo. Zawlnei nia sawi ṭhin Darphawka inlarna hmuh an tih (1882-1890) zinga a tupa Lalmawia'n mi sawi chhawn a lakkhawm zinga pakhat chu, " Ramhuaite pawh in la ngam ang ," tih hi a ni a. He thu avang hian pi pu sakhua kha ramhuai bia anga ngaihna leh kristianity chu a rawn tibotu, a ngamna niin sawi a ni a. Kum 1945 khan Rev. Zairema chuan a B.D. Thesis-ah, "Religion of Lushai," tih hmangin doctorate degree a lo hlawh chhuak tawh a. Chuta a note leh a thesis chu a kang a, Serampore lamin a copy an lo neih tawh bawk si loh avangin, chumi zula a ziah, " Pipute biak hi " tih chu Revd. Chuauṭhuama edit-in kum 2009 khan tihchhuah a ni a. Rev. Zairema hi mi thiam kan neih zinga pi pu sakhua zir bingtu hmasa ber...
Instagram account deactivate / delete dan
Mi tam takin social media lamah account kan hawng a, chhan hrang hrang avangin delete/deactivate kan duh leh fo mai a. Hetiang lama puih beiseiin mi tam takin Khampat Media hi min lo pan ve a, kan lawm hle a ni. Tunah chuan Instagram account delete dan chungchang kan sawi dawn a ni. I account kha delete kher loa temporary disable i duh zawk mai thei, hemi thuziak tawp lam hi i en dawn nia. A hmasa berah chuan Delete Your Account page kha i hawng ang a. I account i delete duhna chhan kha i thlang ang. Login loin account a delete theih loh tih kha chu sawi nawn ngai lo turah ngai ta i la. I delete duhna chhan i thlan fel hnuah i password i enter nawn leh ang a, Permanently delete my account tih kha i click dawn nia. Permanently delete my account tih i hmeh hnu khi chuan i thlalak, video, like, followers leh i follow te kha a bo vek ang a, engti kawng mahin a hmuhlet theih tawh dawn loh a ni. A chunga kan sawi ang khian, i account i delete chuan i thil tih taw...
Comments
Post a Comment
Please comment and not to hurt others' feeling.