Google Meet hmanga meeting link siam dan

Tunlai kan boruak tawnin a zir bawk a, online meeting kan uar khawp mai a. Online meeting link hi awlsam tea siam theih a ni a, tlema han uluk deuh phei chuan meeting dawn leh meeting laia buaina tam tak a ven theih a ni. Google Meet hmanga online meeting (webinar) link siam dan zir ho ang aw...

1. I browser aṭang khan meet.google.com kha hawng la, "New Meeting" kha i hmet ang.

2. Meeting link siam dan chi thum a lo lang ang. A chung bera mi hi nakina la hman tur meeting link siamna a ni a, link a siam ang a, i lut nghal lo ang. Pahnihna hi meeting link siama meeting room-a luh nghalna a ni. A hnuaia bera mi hi Google Calendar hmanga meeting hun tur duan lawkna a ni a, hei hi kan en zui ang.

3. Google Calendar link-ah a hruai lut che ang a. Add title tihah hian meeting hming i chhu lut ang a, a hnuaiah hian a ni leh dar zat i dah luh ang. Thil dang dah belh ngai i neih loh chuan i Save ang a, i meeting neih hun tur chu i calendar-ah a lo lang tawh ang.

4. Meeting detail i dah luh tel duh chuan a meeting neihna hmun tur, notification lo thlen dan tur leh a description i dah tel thei bawk a ni.

5. Meeting-a lo tel turte i hriat lawk sa theih chuan Guests tab hnuaiah khan dah luh theih an ni a, an Gmail address hmangin dah luh theih an ni a, i dah luh te khan mi dang an lo sawm ve theih turin a la dah belh theih bawk.